Joze Mourino voz kechgan futbolchilardan Eldor Shomurodov transferiga oid xabarlar ko‘payib bormoqda. Hujumchimizga asosan A Seryaning o‘rtamiyona jamoalari da’vogarlik qilmoqda.
Italiyalik mashhur insayder Janluka Di Marsio Shomurodov o‘ziga og‘iz solayotgan jamoalardan “Bolonya”ga o‘tayotgani haqida ma’lum qildi. “Bolonya” rahbariyati jurnalist tarqatgan xabarga munosabat bildirdi.
Klub sport direktori Jovanni Sartori Eldor Shomurodov transferi bo‘yicha vaziyatga oydinlik kiritishni so‘rab, o‘ziga murojaat qilgan ommaviy axborot vositalariga “Afsuski, Shomurodov masalasida biror izoh berolmayman”, deb javob qilgani keltirilmoqda.
Yaqin o‘tmishda Italiya futboliring yulduzi bo‘lgan va ayni paytda “Bolonya” bosh murabbiyi bo‘lib ishlayotgan Marko Di Vayo ham Eldorning mahoratiga ijobiy baho berib, ommaviy axborot vositalarida tarqalgan xabarga munosabat bildirdi.
- Shomurodov juda yaxshi o‘yinchi. Lekin uning “Bolonya”ga transferi haqida matbuotda yozilayotgan xabarlarni sharhlamay turganim ma’qul, - dedi Marko Di Vayo.
Xorijlik jurnalistlar “Bolonya”ning har ikki mutaxassisi Shomurodov transferini inkor qilmaganiga e’tibor qaratmoqda. Xususan, o‘zbekistonlik hujumchiga “Sampdoriya”dan qiziqish borligi haqida xabarlar chiqishi bilan Genuya klubi rasmiy javob bilan mish-mishlar tarqalishini oldini olgandi.
- Bizdan “Sampdoriya” Shomurodovni olmoqchi ekani haqida so‘rashmoqda. Hozircha, bunday rejamiz yo‘q, - dedi Genuya klubi sport direktori Daniele Fadjiano.
“Bolonya” esa bunday qilgani yo‘q. Ular transferni sir tutayotgandek ko‘rinmoqda. Chunki aksariyat ommaviy axborot vositalari va insayderlar o‘z manbalaridan olgan ma’lumotlarda “Bolonya” Shomurodov bo‘yicha kelishuvga yaqin turganini faqat transfer summasi, uni to‘lash shakli borasida tomonlar muzokaraning yakuniy qismini boshlashganini ta’kidlamoqda.
O‘tgan yili Shomurodov transferiga 18 million yevro sarflagan “Roma” xarajatlarining kattaroq qismini qoplashga xarakat qilmoqda. Ma’lumki, Shomurodov asosiy tarkibga kira olmaganidan keyin uning transfer narxi ikki baravardan ko‘proq arzonladi va ayni paytda 8 million yevroni tashkil qilyapti. Bu vaziyatda “Roma” turli bonuslar evaziga ko‘proq pul ishlab olmoqchi. Ular Shomurodovning gollari, assistlari va “Bolontya”ning musobaqa jadvalidagi o‘rni kabi kriteriyalarni shartnomaga qo‘shib, Eldorning statistik ko‘rsatkichlaridan bonus olmoqchi bo‘lyapti.
“Bolonya” vakillari esa o‘zbek hujumchisini keyinchalik sotib olish huquqi bilan bir mavsum ijaraga olishni rejalashtirgan va “Roma” rahbariyatidan Shomurodov transfer qilinadigan bo‘lsa, aniq summani belgilashni talab qilmoqda.
Manbalarning ta’kidlashicha, Shomurodov oldida “Torino”, “Monsa”, “Sassuolo” variantlari, Germaniya chempionatidan bildirilayotgan qiziqishlar ham bor. Bu jamoalar vakillari hujumchi atrofidagi vaziyatni sinchkovlik bilan kuzatib bormoqda. “Bolonya” esa raqobatchilarni chalg‘itish maqsadida Shomurodov transferi bo‘yicha ma’lumotlarni ochiqlamay, sir saqlash ma’qul ko‘rayotgan bo‘lishi mumkin. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Yaxshi pishgan va mazali anor tanlashga yordam beradigan tavsiyalar
Donald Tramp 27 yoshli Karolin Levittni Oq uy matbuot kotibi etib tayinlamoqchi
AQSH Isroilning ikki vaziriga sanksiya qo‘llamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
AQSH harbiylari orasida o‘z joniga qasd qilish ko‘paydi
Pashinyan Armanistonning Mustaqillik deklaratsiyani eng katta muammo va fojia deb atadi
Apple dongdor ikki ayfonini rasman eskirgan deb e’lon qildi
Har qanday katta yoshdagi kishi yetuk emas
