Italiya matbuoti “Roma” hujumchisi Eldor Shomurodov tez orada “Bolonya”ga ko‘chib o‘tishi mumkinligi haqida bong urmoqda.
Xususan, Italiya futbolini yoritishga ixtisoslashgan https://footballnews24.it hamda https://www.calciomercato.com saytlari “Bolonya” rahbariyati Rim klubi bilan o‘zbek futbolchisining transferi bo‘yicha bir to‘xtamga kelish arafasida turganini yozdi.
Italiyalik jurnalist Franchesko Abatening ma’lum qilishicha, “Bolonya” kelasi mavsumda asosiy hujumchi vazifasini Eldor Shomurodovga topshirishga qaror qilgan va legionerimizni olish uchun oxirigacha kurashyapti.
Manbalarning ta’kidlashicha, “Bolonya” mutasaddilari rimliklar sport direktorini Shomurodovni keyinchalik sotib olish huquqi bilan bir mavsumga ijaraga jo‘natishga ko‘ndirgan. Aslida poytaxt klubi rahbariyati o‘tgan yozda 18 million yevro to‘langan Eldorning transferidan turli bonuslar ko‘rinishida ko‘proq mablag‘ undirib, narxdagi tafovutni kamaytirishga urinayotgan edi.
Tomonlar kelishuv arafasida turganini inobatga olib, Italiya matbuoti Eldor Shomurodovning transferi 48 soat ichida e’lon qilinadi, degan xabarlarni tarqatmoqda.
Bundan tashqari, Shomurodov atrofidagi vaziyatni kuzatib borayotgan ekspertlar “Bolonya” legioner hujumchi uchun kurashda “Torino”ni ortda qoldirganiga e’tibor qaratdi. Turin klubi “Roma” Eldorning ketishini e’lon qilganidan keyin legionerimizga og‘iz solgan birinchi jamoa bo‘lgandi.
“Bolonya” bosh murabbiyi Sinisha Mixaylov yangi mavsumni Shomurodov bilan boshlashni maqsad qilgani aytilmoqda. Aslida “Bolonya” bosh murabbiyi hujum chizig‘iga italiyalik forvard Lorenso Lukkani taklif qilmoqchi bo‘lgan. Biroq, rimliklar Eldorni transferga qo‘yganidan xabar topishi bilan fikrini o‘zgartirib, tajribali hujumchiga e’tibor qaratdi.
Manbalarning yozishicha, “Bolonya” o‘zbek futbolchisi bilan yangi haftaning ilk kunlarida shartnoma imzolashi kutilmoqda.
Demak, Eldor Shomurodov faoliyatida o‘zgarish bo‘lishi kutilmoqda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Yaxshi pishgan va mazali anor tanlashga yordam beradigan tavsiyalar
Donald Tramp 27 yoshli Karolin Levittni Oq uy matbuot kotibi etib tayinlamoqchi
AQSH Isroilning ikki vaziriga sanksiya qo‘llamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
AQSH harbiylari orasida o‘z joniga qasd qilish ko‘paydi
Pashinyan Armanistonning Mustaqillik deklaratsiyani eng katta muammo va fojia deb atadi
Apple dongdor ikki ayfonini rasman eskirgan deb e’lon qildi
Har qanday katta yoshdagi kishi yetuk emas
