"Roma" sharafini himoya qilayotgan hamyurtimiz Eldor Shomurodov faoliyatini katta ehtimol bilan boshqa jamoa safida davom ettiradi. Mavsumoldi tayyorgarlik o‘yinlarida hamyurtimiz Mourinoni talablariga javob bera oladigan darajada o‘yin ko‘rsatmagan. Aniqrog‘i, "Special one"ning undan ko‘ngli to‘lmadi. "Bo‘rilar" uni Isroilda bo‘lib o‘tgan "Tottenxem"ga qarshi uchrashuvga olib bormadi. Bu uning ketishidan dalolat. Xo‘sh, unga qaysi jamoalar qiziqish bildirmoqda? So‘nggi paytlarda yangrayotgan xabarlarga ko‘ra, da’vogarlar soni yetarlicha. Keling, ularga birma-bir to‘xtalib o‘tamiz.
"Bolonya"
Italiyalik mashhur insayder Janluka Di Marsioning yozishicha, 27 yoshli o‘zbekistonlik hujumchi “Bolonya” klubiga ijara asosida o‘tishga yaqin turibdi. Mazkur jamoa uni o‘z safiga qo‘shib olishga jiddiy kirishgan va hamyurtimiz uchun asosiy da’vogar ham aynan ular. Bolonyaliklar o‘tgan mavsum A Seriyada 46 ochko to‘plagan holda, 13-o‘rinni qo‘lga kiritgan. Bu jamoa hujum chizig‘ida yetakchi Marko Arnautovich hisoblanadi. Qolgan forvardlar hali ancha yosh. Shunday ekan, bu klubga o‘tish vakilimiz uchun asosiy tarkibdagi o‘rinni kafolatlaydi. Arnautovich ham asosiy tarkibda tushgan paytlarda Eldorni qanotlarda ko‘rishimiz mumkin. Shunday bo‘lsa-da, "Bolonya" himoyaviy va kompakt futbol namoyish etadi. Bu legionerimizga biroz qiyinchilik tug‘dirishi mumkin.
"Torino"
Turin klubi ham hamyurtimizni xizmatlariga qiziqish bildirdi. Italiya terma jamoasi a’zosi Andrea Belotti yozda erkin agentga aylandi va "Torino"ni tark etdi. Katta ehtimol bilan Eldor bu jamoada uning o‘rnini egallash uchun nomzod. Eng qizig‘i, "bo‘rilar" Shomurodovning o‘rniga aynan Belottini olib kelmoqchi. O‘tgan mavsumda turinliklar A Seriyada 50 ochko to‘plagan holda, turnir jadvalining ekvatoridan joy oldi. Shaxsan men uchun "Torino" varianti "Bolonya"dan ancha yaxshiroq.
"Sampdoriya"
Genuya klubi sport direktori Daniele Fajiano o‘zbek futbolchisi haqidagi xabarlarga munosabat bildirdi:
- Bizdan “Sampdoriya” Shomurodovni olmoqchi ekani haqida so‘rashmoqda. Hozircha, bunday rejamiz yo‘q, - dedi Daniele Fajiano.
Shamol bo‘lmasa, daraxtning uchi qimirlamaydi. Shunday ekan, Shomurodovga qiziqayotgan klublar orasida genuyaliklar ham bor. "Sampdoriya" o‘tgan mavsumda biroz ishonchsizroq o‘yin namoyish etdi va Italiya chempionatida 15-o‘rinni band etdi. Hujum chizig‘ida raqobat kuchli. Kaputo va Kvalyarella kabi top hujumchilar mazkur klub sharafini himoya qiladi. Biroq Eldor ayni vaqtda ular bilan bemalol raqobatlasha oladi.
"Vulverxempton"
Eldor Shomurodovga "Vulverxempton"dan ham qiziqishlar bo‘lmoqda. Rim klubi sport direktori Tiagu Pintu Eldorni o‘z safiga qo‘shib olmoqchi bo‘lgan jamoalarga uni faqatgina to‘liq transfer yoki majburiy sotib olish sharti bilan qo‘yib yuborishini aytgan. Biroq Angliya "bo‘rilari" uni ijaraga olishni istaydi. Eldorni APLda ko‘pchiligimiz ko‘rishni istayapmiz. Shuningdek, bu o‘tish uning o‘sishiga ham yordam beradi. Sababi, APL boshqa daraja va har qanday o‘yinchi bu yerda o‘ynashni orzu qiladi. "Vulvz" hujum chizig‘ida Raul Ximenes va janubiy koreyalik Xvan harakat qiladi. Katta ehtimol bilan Shomurodov bu jamoada meksikalik forvardning zaxira variantiga aylanadi.
Ah-Hilol
Kecha chiqqan xabarlarga ko‘ra, legionerimizga "Al-Hilol"dan ham qiziqishlar bo‘lgan. Osiyoga qaytish uning ambitsiyalariga to‘g‘ri kelmaydi, nazdimda. Butun boshli o‘zbek xalqi undan Yevropa maydonlarini "yondirish"ni kutayotgan bir paytda bu o‘tish absurd qaror bo‘lardi. Garchi, "Al-Hilol" Osiyoning eng nomdor jamoalaridan biri bo‘lsa ham. To‘g‘ri, ular Eldorga Yevropa klublariga qaraganda ko‘proq maosh bera oladi. Shunday bo‘lsa-da, baribir biz uni kuchliroq chempionatlarda ko‘rgimiz keladi.
Saudiyaliklar hujum chizig‘ida Igalo, Lusiano Vetto va Solih ash-Shehri kabi nomdor futbolchilar bor. Biroq narx va hatto saviya tomondan ham Shomurodov ulardan kuchliroq. IMHO!
Eldor Shomurodov mehnatkash va o‘z ustida ishlaydigan futbolchi. Qaysi jamoaga o‘tishidan qat’i nazar, biz uni yangi jamoasida muvaffaqiyat qozonishiga ishonamiz. "Roma"da u muvaffaqiyatsizlikka uchramadi. Mourino qo‘l ostida va A Seriyaning eng nomdor klubida o‘ynashning o‘zi katta ish. U shuni uddaladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Yaxshi pishgan va mazali anor tanlashga yordam beradigan tavsiyalar
Donald Tramp 27 yoshli Karolin Levittni Oq uy matbuot kotibi etib tayinlamoqchi
AQSH Isroilning ikki vaziriga sanksiya qo‘llamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
AQSH harbiylari orasida o‘z joniga qasd qilish ko‘paydi
Pashinyan Armanistonning Mustaqillik deklaratsiyani eng katta muammo va fojia deb atadi
Apple dongdor ikki ayfonini rasman eskirgan deb e’lon qildi
Har qanday katta yoshdagi kishi yetuk emas
