“Roma” mutasaddilari Eldor Shomurodovni boshqa jamoaga o‘tkazishni uddalay olmadi. Garchi o‘zbek futbolchisiga Italiya, Angliya, Germaniya, Turkiya tomonlardan bir necha klublar qiziqish bildirgan bo‘lsa-da, jiddiy muzokaralarga faqatgina “Bolonya” kirishdi.
Bu jamoa bosh murabbiyi Sinishia Mixaylovich hujum chizig‘ini o‘zbek futbolchisi yordamida kuchaytirishga bel bog‘lagan va bu transferga jiddiy qiziqayotgan edi.
Tomonlar bir necha hafta davomida muzokara olib bordi. So‘nggi bosqichda “Bolonya” legionerimizni keyinchalik sotib olish huquqi bilan bir mavsum ijaraga olishni va kelasi yoz 11 million yevro to‘lashni taklif qildi.
“Roma” bir yil muqaddam Joze Mourino talabi bilan o‘zbek o‘yinchisini shoshilinch tarzda ancha qimmat – 18 million yevroga xarid qilgani bois, so‘nggi pallada “Bolonya”dan Eldor uchun 15 million yevro talab qildi.
Il Tempo nashri ekspertlari aynan mana shu masala tufayli Shomurodovning “Bolonya”ga transferi o‘xshamay qolganini ta’kidlamoqda.
Joze Mourino yozda o‘z jamoasiga Paulo Dibala, Jorjino Veynaldum, Nemanya Matich kabi yulduzlarni qo‘shib olganiga qaramay, hali to‘xtamoqchi emas. Portugaliyalik mutaxassis erkin agent maqomida yurgan eng qimmatbaho futbolchi – Andrea Belottini Rimga olib kelishga qaror qilgan.
Tomonlar o‘zaro hamkorlik bo‘yicha bir to‘xtamga kelgan. Lekin “Roma” moliyaviy feyr-pleyni buzmaslik uchun bir hujumchidan qutilgan taqdirda Belotti bilan shartnomani rasmiylashtiradi. Ketishi kerak bo‘lgan hujumchi sifatida Eldor Shomurodov tilga olingan. Biroq, “Bolonya” bilan kelishuv barbod bo‘lganidan keyin “Roma”da vaziyat o‘zgargani aytilmoqda.
Xorij nashrlarining yozishicha, “Roma” sport direktori Tyagu Pinto endi Stefan El-Shaaravi transferi bo‘yicha ishlaydigan bo‘ldi. Italiyalik hujumkor futbolchiga A Seriyaning o‘zidan bir necha takliflar bo‘lishi kutilyapti.
El-Shaaravi va Shomurodov hujum chizig‘ida Temmi Abraxamning o‘rinbosari bo‘lish uchun o‘zaro raqobatchi hisoblanadi.
29 yoshli Stefan faoliyati davomida klublar miqyosida jami 416 ta uchrashuvda maydonga tushib, 112 ta gol va 47 ta assist muallifi bo‘lgan. Uning transfer summasi ayni paytda 6 million yevroni tashkil qilyapti.
Eldor Shomurodov esa professional futbolchi sifatida O‘zbekiston, Rossiya va Italiya yuqori divizionlarida klublar miqyosida jami 221 ta uchrashuvda maydonga tushib, raqiblar darvozasini 45 marta ishg‘ol qilgan va jamoadoshlariga 23 ta golli pas uzatgan.
“Roma” har ikki hujumchi o‘rniga taklif qilayotgan Andrea Belottining ko‘rsatkichlari ancha sermahsul. 28 yoshli to‘purar o‘zi ishtirok etgan klublarda 390 ta o‘yinda 158 ta gol muallifi bo‘lgan va 35 marta jamoadoshlarini golli pas bilan ta’minlagan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH harbiylari orasida o‘z joniga qasd qilish ko‘paydi
Har qanday katta yoshdagi kishi yetuk emas
AQSH Isroilning ikki vaziriga sanksiya qo‘llamoqchi
Donald Tramp 27 yoshli Karolin Levittni Oq uy matbuot kotibi etib tayinlamoqchi
Apple dongdor ikki ayfonini rasman eskirgan deb e’lon qildi
Organizm o‘zini toksinlardan qanday tozalaydi?
Yaxshi pishgan va mazali anor tanlashga yordam beradigan tavsiyalar
Buyrak salomatligi uchun eng foydali sabzavot...
