“Roma” sobiq forvardi: “Dibala "fenomen" emas, top klublar uni zaxirasiga ham ravo ko‘rmadi”

Italiyalik sobiq hujumchi Antonio Kassano Paulo Dibalani yuqori darajali futbolchi sifatida ko‘rmasligini aytdi.

“Agar kuchli futbolchi va 29 yoshda bo‘lsang, “Yuventus” seni jamoadan ketkazib yubormaydi. 4-5 ta grand klublar uni zahirani kuchaytirish uchun ham olishni xohlamadi. “Inter” u bilan bog‘landi, keyin esa Lukaku bilan shartnoma imzoladi va Dibalaga: “Uyga bor”, deb aytdi. Hurmat yuzasidan u oldin 10 mln yevro xohlagan bo‘lsa-da, “Roma”ga 5 mln yevroga o‘tdi.

“Palermo”da o‘ynagan davridan beri u “fenomen” bo‘lmaganini aytib kelaman. Nega uni birorta ham top klub xohlamadi, hatto “Arsenal” yoki “Manchester Yunayted”? “Inter” esa unga umuman jiddiy qiziqish bildirmagan, ular hatto Dibaladan kuchliroq bo‘lgan Sanchesni boshqa jamoaga berib yuborishdi. “Milan” esa de Ketelareni qo‘lga kiritish uchun 2 oy kutishni ma’qul ko‘rdi.

Yakunda esa Dibala oltinchi bo‘lgan (o‘tgan mavsum) jamoaga o‘tdi va bu yerda astronomik maoshga ega bo‘lmaydi”, deydi Kassano. “Zamin” yangiliklarini “Vkontakti”da kuzatib boring