Belarus chempionati oliy ligasi qizg‘in pallaga kirdi. Chempionatning uchdan ikki qismi yakunlangan bir paytda chempionlik uchun to‘rtta jamoa – an’anaviy kuchli sanalgan BATE, “Shaxtyor-Soligorsk”, “Dinamo-Minsk” va kutilmaganda “Energetik-BGU” da’vogarlik qilmoqda.
Bu to‘rt jamoa mavsumni muvaffaqiyatli o‘tkazmoqda va musobaqa jadvalida boshqa klublardan ancha ilgarilab ketgan.
21-turning markaziy uchrashuvida BATE va “Dinamo-Minsk” o‘zaro to‘qnash keldi. Bu bahsda hisob ochilmadi va har ikki jamoa bittadan ballni qo‘lga kiritib, umumiy ochkolari sonini 40 taga yetkazib oldi.
Bu vaziyatdan ularni ta’qib qilib kelayotgan “Energetik-BGU” unumli foydalanib qoldi. Lekin Bobur Abduxoliqov va Abdulqodir Husanov juda faol o‘ynagan bu bahsda “Nyoman” mezbonlarga juda qattiq qarshilik ko‘rsatdi.
Bellashuvning 38-daqiqasida Belarus chempionatining eng zo‘r to‘purari Bobur Abuxoliqov bir urinishda uzoq masofadan aniq zarba bilan super gol urdi.
Biroq, minsklik “talabalar” ikkinchi bo‘lim avvalida biroz bo‘shashdi va raqib jamoa vakili Andrey Yakimov hisobni tenglashtirdi. Chempionatda birinchi o‘ringa ko‘tarilib olish imkonini qo‘ldan berishni istamagan “Energetik-BGU” hujumga zo‘r berdi.
Bobur Abduxoliqovda bir necha qulay imkoniyatlar bo‘ldi. Lekin hujumchimiz unlardan foydalana olmadi.
Keskin va murosasiz kurashlar ostida o‘tgan uchrashuvning so‘nggi daqiqasida Bobur baribir o‘z so‘zini aytdi. Bu gal hamyurtimiz to‘pni egallab olib, raqib jarima maydonchasiga yorib kirgan markaziy himoyachi Abdulqodir Husanovni qulay pozitsiyaga chiqardi. Yosh futbolchimiz bir zarba bilan jamoasiga qimmatli uch ochkoni keltirdi.
“Energetik-BGU” 20 ta uchrashuvdan 41 ochko to‘pladi. Hozircha ular birinchi o‘rinda. Faqatgina amaldagi chempion – “Shaxtyor-Soligorsk”da “talabalar”dan o‘zib ketish imkoni bor. Buning uchun “konchilar” safar bahsida “Golel”ni yengishi kerak.
Bobur Abduxoliqov chempionatdagi gollari sonini yigirmataga yetkazib oldi. Shuningdek, oltita golli pas muallifi sifatida gol+pas tizimida 26 ochko jamg‘arib, chempionatning eng sermahsul o‘yinchisi bo‘lib turibdi.
Belarus oliy ligasida eng yaxshi markaziy himoyachi nomiga da’vogarlik qilayotgan 18 yashar Abdulqodir Husanov himoyadagi ishlarini puxta bajarish barobarida hujumlarga ham ko‘maklashib turadi. Hozircha, iste’dodli futbolchimiz hisobida ikkita gol va to‘rtta assist bor.
Eng quvonarlisi, o‘z tarixida ilk bor chempionlik va sovrinli o‘rinlar uchun kurashayotgan “Energetik-BGU” bu imkoniyatga aynan o‘zbek futbolchilari – Bobur Abduxoliqov va Abdulqodir Husanov yordamida ega bo‘lmoqda.
Bobur to‘p kiritgan uchrashuvlarda “talabalar” umuman mag‘lub bo‘lmagan. Qashqadaryolik futbolchining gollari jamoasiga 12ta g‘alaba va ikkita durang keltirgan.
Abduxoliqovga Turkiya, Germaniya, Qatar, Shotlandiya, Rossiya, Polsha chempionatlaridan takliflar bo‘layotgani haqida ma’lumotlar tarqalgan edi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Pashinyan Armanistonning Mustaqillik deklaratsiyani eng katta muammo va fojia deb atadi
AQSH Isroilning ikki vaziriga sanksiya qo‘llamoqchi
Apple dongdor ikki ayfonini rasman eskirgan deb e’lon qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Yaxshi pishgan va mazali anor tanlashga yordam beradigan tavsiyalar
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
AQSH harbiylari orasida o‘z joniga qasd qilish ko‘paydi
