Ulug‘bek Baqoyevda ikkinchi reja yo‘q ekanligi bugun pand berdi. Xuddi ozi singari chuqur himoyalanadigan jamoaga qarshi “bo‘rilar” hech narsa qila olgani yo‘q. Murabbiy jamoasi 3 ta frontda kurashib charchab qolganini bahona qilmasligi kerak. Bu raqibga qarshi kuch emas, aql ishlatib to‘p surish kerak edi. Xullas, 30 yil avvalgi uslub bilan (agar buni uslub deb bo‘lsa) Malayziyani klubini ham yutib bo‘lmaydi. Uyg‘oning! Deraza ortida 2022-yil!
120 daqiqa havodan tashlab berilgan uzatmalar bilan 6 ta himoyachi bilan o‘ynayotgan jamoa mudofaasini qanday yorib o‘tish mumkin? Mayli, 2 yo uchta sof hujumchi bilan harakatlanadigan jamoa bo‘lsa boshqa gap. Birgina Norxonovga shuncha uzatmadan ko‘ra, bitta aqlli pas bo‘lganida olam-guliston edi. E attang, “Sug‘diyona” qaysar o‘yin uslubi sababli o‘zidan 2 bosh past jamoadan yengildi. Aslida, “Kuala Lumpur” aytarli o‘yin ham namoyish etgani yo‘q. Shunchaki, zo‘r himoyalandi.
“Sug‘diyona” startda tanlagan ehtiyotkor taktikasidan pand yedi. Hujumlarda rang-baranglik yo‘q. Jasur Hasanovdan boshqa birorta futbolchi to‘pni o‘ziga olishga, o‘yinni o‘ziga olishga cho‘chib harakat qildi. Xuddi, programalashtirilgan robotlar singari havodan uzatmalar yomg‘irini yog‘dirdi. Pressingda ishlamadi. Raqibni erta kutib olgani yo‘q. Maydon markazidan, qanotdan, standart vaziyatlardan, burchakdan va yana boshqa joylardan uzoq masofaga berilgan uzatmalar baland bo‘yli raqib himoyachilari uchun chinakam sovg‘aga aylandi.
Agar maydon markazida pleymeykerlik qiladigan futbolchi tarkibda bo‘lmaganida, murabbiyni tushungan bo‘lar edim. Xislat Halilovdek top darajadagi ijrochisi bor “Sug‘diyona” nega o‘tmayotgan paslarga mahkam yopishib olgani tushunarsiz. Ha mayli, o‘yin unutiladi. Natijada tarixda qoladi. Mana shunisi yomon. Umid qilamanki, Ulug‘bek Baqoyev bu tarixda qolgan natijani emas, o‘yinni eslab qoladi. Karerasida yana shunday muhim uchrashuvlar bo‘lishiga shubham yo‘q. Umid qilamanki, Baqoyev uchun tarixda bu uslub katta o‘yinlarda umuman naf bermasligini anglashi bilan qolali.
Yahyoxo‘ja Ulug‘xo‘jayev
Manba: Sports.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Turkiyaning Harper's Bazaar nashri yil ayolini aniqladi (foto)
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
20 yoshli o‘zbekistonlik qizni qarindoshi Turkiyaga sotib yubordi
Organizm o‘zini toksinlardan qanday tozalaydi?
Shols va Putin o‘rtasidagi suhbat Kiyevga signal bo‘ldi
Ayrim boshqaruv servis kompaniyalari shartnomalarida asossiz shartlar belgilangani aniqlandi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
Buyrak salomatligi uchun eng foydali sabzavot...
