Boks. Mutlaq chempion Devin Heyni revansh jangida Kambososni magʻlub etib, kamarlarini himoya qildi

Professional boks boʻyicha engil vazn (-61,2 kg) toifasining mutlaq chempioni Devin Heyni (29-0, 15 KO) va Jorj Kambosos (20-2, 10 KO) oʻrtasida revansh jangi Toshkent vaqti bilan 16 oktyabr tongida boʻlib oʻtdi.

Avstraliyaning Melbrun shahrida oʻtkazilgan boks kechasining markaziy jangi toʻliq 12 raund davom etdi. Yakunda hakamlar bir ovozdan Heynining gʻalabasini qayd etdi — 119-109, 118-110, 118-110.

Ular oʻrtasidagi dastlabki jang 2022 yilning iyunida Melburnda oʻtkazilgan. Unda ham 23 yoshli amerikalik bokschi ochkolar evaziga (116-112, 116-112, 118-110) gʻalaba qozongandi.

Shu tariqa Heyni oʻziga tegishli WBC, WBA Super, IBF va WBO kamarlarini muvaffaqiyatli himoya qildi. “Zamin” yangiliklarini “Telegram”da kuzatib boring