Boks. Osiyo chempionati. Lazizbek Mullajonov yarim finalda hindistonlik raqibini magʻlub etdi (video)

^{Lazizbek Mullajonov
Foto: Boks federatsiyasi / Aziz Toʻxtamurodov}
Iordaniyaning Amman shahrida boks boʻyicha Osiyo chempionatining yarim final bahslari 10 noyabr, payshanba kuni boʻlib oʻtmoqda.

Super ogʻir vazn toifasida (+92 kg) Oʻzbekiston sharafini himoya qilayotgan Lazizbek Mullajonov yarim finalda Hindiston vakili Narenderga qarshi ringga chiqdi.

Jangda Mullajonov toʻliq ustunlikka erishdi va yakunda 5:0 hisobida gʻalaba qozonib, final yoʻllanmasiga ega chiqdi.

Finalda oʻzbekistonlik bokschi qozogʻistonlik mashhur charm qoʻlqop ustasi Kamshibek Kunkabaevga qarshi jang qiladi.

Avvalroq Saidjamshid Ja'farov finalga yoʻl olgan, Shahzod Muzaffarov, Athamjon Muhiddinov va Asadxoʻja Moʻydinxoʻjaev yarim finalda engilib, bronza medaliga ega chiqqani xabar qilingandi. “Zamin” yangiliklarini “Telegram”da kuzatib boring