Boks. Hasanboy Doʻstmatov qozogʻistonlik raqibini magʻlub etib, Osiyo chempioniga aylandi (video)

^{Foto: ASBC}
Iordaniyaning Amman shahrida boks boʻyicha Osiyo chempionatining final bahslari 12 noyabr, shanba kuni boʻlib oʻtmoqda.

-51 kg vazn toifasida Oʻzbekiston sharafini himoya qilgan Hasanboy Doʻstmatov finalda qozogʻistonlik Saken Bibosinovga qarshi jang qildi.

Birinchi raund teng kurashlar ostida oʻtdi, unda hakamlarning ikki nafari Doʻstmatovning, uch nafari esa Sakenning foydasiga qaror chiqardi. Ikkinchi raund Doʻstmatov foydasiga yozildi.

Uchinchi raundda ham Doʻstmatov faolroq boʻldi. Yakunda Hasanboy gʻolib deb topildi va Osiyo chempioniga aylandi. “Zamin” yangiliklarini “Telegram”da kuzatib boring