Mundial taqvimi. V guruhi jamoalari haqida nimalarni bilishingiz kerak?

^{Eronliklar mashgʻulot jarayoni. Foto Global Look Press}
Kecha, 20 noyabr kuni Qatarda futbol boʻyicha jahon chempionati start oldi. Turnirning final bosqichiga etib kelgan jamoalarning imkoniyatlarini baholaymiz.

A guruhi. Qatar, Ekvador, Senegal, Niderlandiya
V guruhi. Angliya, Eron, AQSh, Uels
C guruhi. Argentina, Saudiyaya Arabistoni, Meksika, Polsha
D guruhi. Frantsiya, Avstraliya, Daniya, Tunis
E guruhi. Ispaniya, Kosta-Rika, Germaniya, Yaponiya
F guruhi. Belgiya, Kanada, Marokash, Xorvatiya
G guruhi. Braziliya, Serbiya, Shveytsariya, Kamerun
H guruhi. Portugaliya, Gana, Urugvay, Janubiy Koreya.

V guruhi. Angliya, Eron, AQSh, Uels

B guruhi oʻyinlari taqvimi

21 noyabr
18.00 Angliya — Eron
00.00 AQSh — Uels

25 noyabr
15.00 Uels — Eron
00.00 Angliya — AQSh

29 noyabr
00.00 Uels — Angliya
00.00 Eron — AQSh

Angliya
Evro-2020 finalidan keyin Angliya 1966 yildan buyon ilk oltin medallarini qoʻlga kiritishni koʻzlagan. Garet Sautgeytda oʻtgan safargi jahon chempionati toʻpurari boʻlgan Harri Keyn etakchiligidagi ajoyib tarkib bor.

Angliyaliklarda hujumda muammolar yoʻq, ammo mudofaa chizigʻi tashvish uygʻotadi. «MYu» himoyachisi Harri Maguayr memlar qahramoniga aylangan, Ben Chiluell, Kayl Uoker va Ris Jeyms jarohat olishdi, Sautgeyt esa asosiy taktik sxemani tanlay olmayapti.

Soʻnggi oʻyinlardagi natijalar ham tashvishlanarli: Angliya Millatlar Ligasi guruhida birorta gʻalabaga erisha olmay, soʻnggi oʻrinni egalladi.

Eron
Sentyabr oyida Eron termasiga uch yarim yillik tanaffusdan keyin Karlush Keyrosh qaytdi. Portugaliyalik mutaxassis jamoa bilan koʻp oʻyin oʻtkazishga ulgurmadi, lekin asosiy hujumchilar — Sardor Oʻzmun va Mehdi Torimiy yaxshi sport formasida.

Eron Osiyo saralash bosqichida barchadan yaxshiroq ishtirok etgan, ammo mundialda juda murakkab guruhga tushib qoldi. Forslar guruhda ochkosiz qolmasa kerak, ammo jamoani pley-offda tasavvur qilish qiyin.

AQSh
Amerikaliklar Rossiyadagi jahon chempionatini oʻtkazib yuborishgandi, ammo jamoa oʻz uyida oʻtadigan JCh-2026 ga qadar kuchli jamoaga aylanishga harakat qilmoqda. AQSh termasining koʻplab futbolchilari Evropa top-klublarida oʻynaydi: Kristian Pulishich, Ueston Makkenni, Serjino Dest, Jovanni Reyna.

Gregg Berhalter shogirdlari guruhdan chiqishi va chorakfinal uchun ham kurashishi tayin, ammo ularni top-4da kutish oʻrinsiz.

Uels
33 yoshli Garet Beyl uchun bu birinchi va katta ehtimol bilan soʻnggi jahon chempionati boʻladi. Shu tufayli Uels termasi sardori jamoaning JCh-1958 turniridagi ishtirokini takrorlab, guruhdan chiqishiga yordam bermoqchi. Ammo jamoa formasi muxlislarni jiddiy xavotirga solmoqda: uelsliklar Millatlar ligasi guruhida birgina ochko olib, soʻnggi oʻrinni egallashgan.

Bir yarim yil muqaddam Evro-2020 da jamoa 1/8 finalda ishtirokini toʻxtatgandi, hozir ular guruhdan chiqish uchun AQSh bilan raqobatlashadi, jamoa toʻgʻridan toʻgʻri raqibi bilan birinchi turdayoq toʻqnash keladi. “Zamin” yangiliklarini “Telegram”da kuzatib boring