
Foto: AP
«Manchester Yunayted» hujumchisi Krishtianu Ronaldu va «PSJ» hujumchisi Lionel Messining birgalikda tushgan surati kompyuter dasturida yasalgan boʻlib chiqdi.
Avvalroq, futbolchilar ijtimoiy tarmoqlarida Louis Vuitton brendining reklama kampaniyasi aks etgan suratini joylashtirishgan edi. Unda superyulduzlar jomadon ustida shaxmat oʻynab oʻtirgani aks etgan.
Ronaldu va Messi tomonidan ijtimoiy tarmoqdagi sahifalarida bir vaqtda joylashtirgan surat juda uygʻun koʻrindi. Ammo keyinchalik ma'lum boʻlishicha — montaj mahsuli.
Reklamani suratga olish jarayoni videosini tomosha qilgach aynan shunday xulosaga kelish mumkin. Unda futbolchilar bir-biridan alohida tarzda suratga tushishgan.
[media=https://youtu.be/HmQtLJgP-Kw]
Ommaviy axborot vositalarida «futbol tarixidagi eng zoʻr futbol surati» deb atalgan fotoni bir necha soatlar ichida 20 milliondan ortiq odam tomosha qilgan edi.
Krishtianu Ronaldu va Lionel Messi mos ravishda Portugaliya va Argentina milliy jamoasi tarkibida Qatardagi jahon chempionati ishtirokchisi sanaladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar