22:45 / 21.11.2022

JCh-2022. 8ta gol kiritilgan oʻyinda Angliya Eronni tor-mor etdi (video)

^{Foto: Getty Images}
«Halifa» stadionidagi oʻyinda Sautgeyt shogirdlari Karlush Keyrush jamoasini ayab oʻtirmadi. Bellingem hisobni ochgan boʻlsa, Saka dublga erishdi. Sterling va zaxiradan maydonga tushgan Reshford va Grilish esa oʻz hisoblariga bittadan gol yozib qoʻyishdi. Eronliklardan Toremiy 65 va 90+12-daqiqada gol muallifiga aylandi – 6:2.

Qayd etish joiz, toʻxtalishlar uchun 1-boʻlimga 14 daqiqa, 2-boʻlimga esa 10 daqiqa qoʻshilib, oʻyin jami 114 daqiqa davom etdi.

Shu tariqa, Angliya dastlabki oʻyindan keyin B guruhida peshqadam boʻlib oldi. Guruhdagi ikkinchi uchrashuv bugun AQSh va Uels oʻrtasida boʻlib oʻtadi. Oʻyin soat 23:59da boshlanadi.

JCh-2022. 1-tur. V guruhi.

Angliya – Eron 6:2
Gollar: 1:0 – 35 Bellingem, 2:0 – 43 Saka, 3:0 – 45 Sterling, 4:0 – 62 Saka, 4:1 – 65 Toremiy, 5:1 – 71 Reshford, 6:1 – Grilish 90, 6:2 – 90+12 Toremiy.
Angliya – Pikford, Tripper, Maguayr (Dayer, 70), Stounz, Shou, Rays, Maunt (Foden, 71), Saka (Reshford, 71), Bellingem, Keyn (Uilson, 76), Sterling (Grilish, 71).
Eron – Beyranvand (Huseyni, 19), Muharramiy, Puraliganjiy, Chashmiy (Kananizodagon, 46), Husseyni, Muhammadiy (Turobiy, 63), Jahonbaxsh (Gulizoda, 46), Xojsafiy, Karimiy (Izzatullohiy, 46), Nurollohiy (Ozmun, 77), Toremiy.
Ogohlantirishlar: Jahonbaxsh (25), Puraliganjiy (48).