JCH—2022. Xorvatiya 5 ta gol urilgan o‘yinda Kanada ustidan irodali g‘alabani qo‘lga kiritdi

Futbol bo‘yicha JCH—2022 2-turida Xorvatiya va Kanada terma jamoalari 27 noyabr, yakshanba kuni o‘zaro to‘qnash keldi.

Uchrashuvning dastlabki daqiqalaridayoq kanadaliklar Alfonso Devisning golidan keyin oldinga o‘tib oldi. Bunga Xorvatiya tanaffusga qadar Andrey Kramarich va Marko Livayaning gollari bilan javob qaytardi.

70-daqiqada Kramarich dublni rasmiylashtirdi. Hakam tomonidan qo‘shib berilgan vaqtda Lovro Mayer yakuniy hisobni o‘rnatdi — 4:1.

Xorvatiya ochkolarini 4 taga yetkazib oldi va Marokash (4) bilan birga peshqadamlik qilmoqda. Belgiya 3 ochkoga ega, Kanada esa 1 ochko bilan so‘nggi o‘rinda qolmoqda.

Shu tariqa Kanada terma jamoasi pley-offga chiqish imkoniyatini boy berdi.

JCH—2022
2-tur bahsi
Xorvatiya — Kanada 4:1
Gollar: 0:1 – 2 Devis, 1:1 – 36 Kramarich, 2:1 – 44 Livaya, 3:1 – 70 Kramarich , 4:1 – 90+4 Mayer.
Xorvatiya: Livakovich, Yuranovich, Lovren, Gvardiol, Sosa, Modrich (Pashalich, 86), Kovachich (Mayer, 86), Brozovich, Perishich (Orshich, 86), Kramarich (Vlashich, 73), Livaya (Petkovich, 60).
Kanada: Boryan, Jonston, Vitoriya, Miller, Lareyya (Hoylett, 62), Hatchinson (Adekugbe, 73), Eushtakiu (Kone, 46), Byukenen, Larin (Osorio, 46), Devid (Kavallini, 72), Devis.
Ogohlantirishlar: Byukenen (52), Lovren (56), Modrich (85), Miller (85). “Zamin” yangiliklarini “Facebook”da kuzatib boring