JCH—2022. Marokash penaltilar seriyasida Ispaniyani mag‘lub etib, chorak finalga yo‘l oldi

Futbol bo‘yicha JCH—2022 nimchorak final bahsida Ispaniya terma jamoasi 6 dekabr, seshanba kuni Marokashga qarshi maydonga tushdi.

Uchrashuvning asosiy bo‘limlarida darvozalar ishg‘ol etilmadi. Jamoalar qo‘shimcha bo‘limlarga yo‘l oldi. Qolgan 30 daqiqada ham darvozalar daxlsizligi saqlanib qolgandan so‘ng, penaltilar seriyasiga navbat berildi. Penaltilar seriyasida esa Marokash 3:0 hisobida zafar quchdi.

Shu tariqa Marokash chorak finalga yo‘l oldi va u yerda Portugaliya — Shveysariya uchrashuvi g‘olibi bilan o‘ynaydi.

JCH—2022
1/8 final bahsi
Marokash — Ispaniya 0:0
Penaltilar seriyasi — 3:0
Marokash: Bunu, Hakimi, Saiss, Agerd (El-Yamik, 84), Mazraui (Attiyyat-alla, 82), Amrabat, Amalla (Sheddira, 82), Unai (Banun, 120), Ziyosh, Bufal (Ez Abde, 66), En-Nesiri (Sabiri, 82).
Ispaniya: Unai Simon, Laport, Rodri, Alba (Balde, 98), Buskets, Pedri, Gavi (Soler, 63), Lorente, Olmo (Fati, 98), Asensio (Morata, 63), Ferran Torres (Uilyams, 75, Sarabiya, 118).
Ogohlantirishlar: Laport (76), Saiss (90). “Zamin”ni Telegramʻda oʻqing!