Qatar-2022: Himoyasi eng yaxshi terma jamoa e’lon qilindi

^{Foto: LiveSport}
Qatarda davom etayotgan futbol bo‘yicha jahon chempionatida «eng yaxshilar» aniqlanmoqda. Mundialda shov-shuvga sabab bo‘layotgan Marokash terma jamoasi ikkita yo‘nalishda hammadan zo‘r deb topildi.

Mukofotlarning biri yakka o‘yinchiga, ikkinchisi butun jamoaga tegishli.

^{Ashraf Hakimi.}
Marokash terma jamoasi hamda «PSJ» (Fransiya) himoyachisi Ashraf Hakimi to‘pni raqibdan olib qo‘yish bo‘yicha mundialdagi eng yaxshi futbolchi deb topildi. Jahon birinchiligidagi to‘rt o‘yin mobaynida u 17 marta raqib futbolchisidan to‘pni olib qo‘ydi. Boshqa hech bir futbolchi bunchalik o‘zini ko‘rsatgan emas. Ikkinchi va uchinchi o‘rinlarda — Nussayr Mazraui (Marokash) va Ibrohim Kanate (Senegal) — 13 martadan.

Marokash himoya chizig‘i eng mustahkam terma jamoa ham hisoblanadi, JCH-2022 davomida darvozasidan atigi bitta to‘p olib chiqdi. O‘sha gol kiritilgan o‘yinda Marokash Kanadani 2:1 hisobida mag‘lubiyatga uchratgan.

Yassin Bunu va marokashlik futbolchilar Ispaniya mag‘lub etilgan penaltilar seriyasidan so‘ng.
Jamoaning zafarli yurishida darvozabon Yassin Bununing xizmatlari katta: Xorvatiya (0:0), Belgiya (2:0), Ispaniya (0:0, penaltilar seriyasi bo‘yicha 3:0)ga qarshi o‘yinlarda qahramonlik ko‘rsatdi.

Chorakfinalda Marokash himoyasini chinakam imtihon kutmoqda — Shveysariyani katta hisobda dog‘da qoldirgan Portugaliya (6:1) bilan keyingi bosqich uchun kurashadi. O‘yin 10 dekabr kuni soat 20:00 da boshlanadi. “Zamin” yangiliklarini “Facebook”da kuzatib boring