Niderlandiya-Argentina o‘yinini boshqargan hakamga «qizil kartochka» berildi

Antonio Migel Mateu Laos Qatardagi mundialning qolgan o‘yinlarini boshqarmaydi. Ispaniyalik hakam turnir yakuniga yetmasidan avval chetlatildi, deb yozdi Cope nashri.

Niderlandiya va Argentina o‘rtasidagi 1/4 final (2:2, penaltilar seriyasi bo‘yicha 3:4) uning uchun JCH-2022 dagi so‘nggi o‘yin bo‘ldi. O‘sha o‘yinda ispan hakami futbolchilarga rekord darajada ko‘p — 17 ta sariq va bitta qizil kartochka ko‘rsatdi, bellashuv tugaganidan so‘ng har ikki tomon futbolchilari undan norozi ekanliklarini bildirishdi.

Umuman, Argentina-Niderlandiya bahsida ko‘p sonli to‘qnashuvlar faqat to‘p uchun bo‘lmaganini ko‘rdik. Laosni shunda ham ayblashdi — o‘yin tizginini qo‘ldan berib qo‘ygan. “Zamin”ni Telegramʻda oʻqing!