Eldor Shomurodovning qishki transferlar vaqtida “Roma”dan ketishi ko‘p muhokama qilinmoqda. Bu ko‘p jihatdan legionerimizning yaxshi sport formasida bo‘lishiga qaramay, Joze Mourino unga imkoniyat bermayotgani, yozdan beri Italiyaning bir necha klublari o‘zbek hujumchisini qo‘lga kiritish uchun tinmay harakat qilayotgani bilan bog‘liq.
Yanvar oyi yaqinlashgani sari Shomurodovni olish maqsasida Rim klubiga murojaat qilayotgan jamoalar soni tobora ortib bormoqda. Bir necha klub “bo‘rilar” bilan muzokaralarni davom ettiryapti.
Rossiya futbolida chuqur iz qoldirgan futbolchilardan biri Igor Kolivanov https://betonmobile.ru saytiga bergan intervyusida Eldor Shomurodov masalasiga ham to‘xtalib o‘tdi.
O‘z davrida Moskvaning “Dinamo” jamoasi porlagan Igor Kolivanov birinchilardan bo‘lib, Italiyaga yo‘l olgan futbolchilardan hisoblanadi. U kuchli beshlik ligalaridan A Seriyada “Fodjia” va “Bolonya” klublari sharafini himoya qilgan.
Igor Kolivanov ham xuddi Eldor Shomurodov singari chap qanot va hujum markazida to‘p tepgan. A Seriyada jami 164 ta uchrashuvda qatnashib, raqiblar darvozasini 44 marotaba ishg‘ol qilgan.
Murabbiylik faoliyatini davom ettirayotgan taniqli mutaxassis Eldor Shomurodovning “Roma”dagi holatini quyidagicha izohladi.
- Agar “Roma” Eldor Shomurodovni o‘ynatmayotgan bo‘lsa, u “Torino”ga ko‘chib o‘tsin. Turin klubida Aleksey Miranchuk va Nikola Vlashich bilan birga to‘p tepsin. Miranchuk Italiyaga kelganida 24 yoshda edi va ikki yil zaxirada o‘tirdi.
Hozir “Torino”ga ko‘chib o‘tib, muntazam o‘ynay boshladi va o‘zining eng yaxshi sifatlarini, iste’dodini namoyish qila olyapti.
Shomurodov ham “Roma”da ko‘p o‘ynayotgani yo‘q. U yerga qaysi murabbiy kelishidan qat’i nazar, 15-20 daqiqa o‘ynatadi. Ba’zan o‘nta uchrashuvdan keyin bir marta boshlang‘ich tarkibga qo‘yishi mumkin.
Shuning uchun ham Shomurodov “Roma”dan ketishi, “Torino”ga o‘tib, Miranchuk va Vlashich bilan birga Rossiya premer-ligasidan kelgan futbolchilardan iborat hujum uchligini tashkil qilishsin.
Ular birgalikda o‘ynasin, gol ursin,¸o‘sha “Roma” va “Atalanta”larni quvib o‘tsin.
Haqiqat shuki, Shomurodov yoshidagi futbolchi muntazam o‘ynashi kerak. Zaxirada o‘tirgan bilan vaziyat og‘irlashib boraveradi. Katta futbolda bir umr o‘rganganlaring bir-ikki yil o‘ynamasang yo‘qolib ketadi. Ayniqsa, Italiya chempionatida, - dedi Igor Kolivanov.
Eldor Shomurodov joriy mavsumda “Roma” safida A Seriya va Yevropa ligasida jami sakkizta uchrashuvda atigi 151 daqiqa maydonda harakat qildi. Shunga qaramay, O‘zbekiston milliy terma jamoasidagi o‘yinlarida yuqori sport formasida ekanini ko‘rsatdi.
Legioner hujumchimiz Srechko Katanes qo‘l ostida 2022 yili o‘nta uchrashuvda qatnashib, raqiblar darvozasini 11 marotaba ishg‘ol qildi.
A Seriyaning “Torino”, “Spetsiya”, “Kremoneze”, “Monsa”, “Sampdoriya”, “Fiorentina” kabi bir necha jamoalari “Roma”dan Eldor Shomurodovni o‘z safiga qo‘chirib o‘tkazish uchun harakat qilmoqda. Rimliklar futbolchini 11-12 million yevroga baholayapti. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR Rossiyaga 100 minggacha harbiy yuborishi mumkin
Organizm o‘zini toksinlardan qanday tozalaydi?
Omega-3 qanday qilib ozishga yordam beradi?
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Buyrak salomatligi uchun eng foydali sabzavot...
