“Torino” sport direktori Davide Vanyatti “Roma”dagi hamkasbi Tyagu Pinto bilan Milan shahrida uchrashib, o‘zaro aloqalarni muhokama qilgani haqida xabarlar tarqaldi.
Ikki tomon asosiy masala – Eldor Shomurodovning Turin klubiga transferi bo‘yicha ham muzokara olib borgan.
“Torino” mutasaddilari o‘zbek hujumchini olish harakatlarini davom ettirishini bildirdi. Tyagu Pinto esa, kelishuv bo‘yicha hech qanday yangilik yo‘qligini ta’kidladi.
Italiyalik jurnalistlar muzokaraning detallarini aniqlashtirib, muxlislar e’tiboriga havola qilishda davom etmoqda.
Xususan, ular Eldor Shomurodovning “Torino”ga transferi nega amalga oshmayotganining sababini aniqladi.
Corriere dello Sport nashri jurnalisti J.Aliprandining ma’lum qilishicha, “Torino” sport direktori Vadive Vanyatti rimliklar vakili Tyagu Pinto bilan uchrashuv chog‘ida Eldor Shomurodovni mavsum oxiriga qadar ijaraga yuborishni va keyinchalik sotib olish huquqini berishni so‘ragan. Vanyatti agar turinliklar mavsum yakuniga ko‘ra, Yevropa ligasiga yo‘llanma olsa yoki o‘zbek forvardi chempionat davomida o‘nta gol ursa, klub uni to‘liq sotib olishini ma’lum qilgan.
Biroq, manbalar “Torino” rahbariyatining bu taklifi Tyagu Pintoga umuman yoqmaganini va u kelishuvni qabul qilmaganini tasdiqladi.
“Torino” anchadan beri Shomurodov uchun kurashda asosiy favorit nomini saqlab kelayotgan edi. Biroq, Milandagi uchrashuvdan keyin vaziyat o‘zgargani aytilmoqda.
Hozir Fransiya chempionati vakili “Lill”ning imkoniyatlarini yuqori baholanmoqda. Bu jamoani boshqarayotgan portugaliyalik mutaxassis Paulo Fonseka o‘z hamyurti Joze Mourinodan oldin “Roma” futbolchilariga ustozlik qilgan.
Fonseka “Roma” bilan aloqalarini ishga solib, Shomurodov transferini amalga oshirishga ishonmoqda. Aslida fransuzlar taklif qilayotgan 13-14 million yevrolik badal puli rimliklarni ham to‘liq qoniqtiradi.
Bu borada masala Eldor Shomurodovning o‘ziga borib taqaladi. Transfer amalga oshishi uchun hujumchimiz Fransiyaga ko‘chib o‘tishga rozilik berishi kerak. Eldor esa, avval ham bir necha marotaba A Seriyada qolishini ta’kidlagan.
Eldorning transferi amalga oshishiga uning narxi ham ta’sir qilmoqda. Aniqrog‘ aytganda, rimliklar 2021 yilning yozida legionerimizni qo‘lga kiritish uchun “Jenoa”ga 18 million yevro to‘lagan.
Hozir Eldorning narxi ancha arzonlab ketgan. Tyagu Pinto moddiy zararni kamaytirish uchun hujumchini 10-12 million yevro atrofidagi summaga sotib yubormoqchi. Aksariyat jamoalar bir yarim yildan beri zaxirada o‘tirgan futbolchi uchun birdaniga shuncha pul sarflashga ko‘nmayapti.
Italiyada qishki transferlar oynasi yopilishiga o‘n kundan ortiq vaqt bor. Vaziyat istalgan paytda o‘zgarib ketishi mumkin. Demak, kuzatishda davom etamiz... “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Global ochlik va qashshoqlikka qarshi kurash alyansiga 82 mamlakat a’zo bo‘ldi
Donald Tramp 27 yoshli Karolin Levittni Oq uy matbuot kotibi etib tayinlamoqchi
KXDR Rossiyaga 100 minggacha harbiy yuborishi mumkin
Tyumen oblastiga O‘zbekistondan mehnat migrantlari ishga jalb qilinadi
Buyrak salomatligi uchun eng foydali sabzavot...
Organizm o‘zini toksinlardan qanday tozalaydi?
Endi operatsiyadan so‘ng kesmalar o‘rni ikki barobar tezroq bitishi mumkin
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
