Shaxmat. Nodirbek Abdusattorov yakka peshqadamga aylandi, Javohir Sindorovda ham g‘alaba

^{Nodirbek Abdusattorov va Arjun Erigaisi / Foto: Tata Steel Chess}
Niderlandiyada davom etayotgan «Tata Steel Chess 2023» turnirining 7-turi doirasida o‘zbekistonlik shaxmatchilar g‘alabaga erishishdi.

Veyk-an-Zeye shahrida o‘tayotgan turnirning «Masters» guruhida o‘zbekistonlik xalqaro grossmeyster Nodirbek Abdusattorov hindistonlik Arjun Erigaisini qora donalarda mag‘lub etishga erishdi. Ushbu g‘alaba orqali Nodirbek ochkolari sonini 5,5 taga yetkazib, guruhda yakka peshqadamga aylanib oldi.

🚨 ABDUSATTOROV sigue haciendo MARAVILLAS.

El líder del torneo cada día MÁS líder. 5.5/8 y una subido de +18. Una de las apuestas más fuertes de una nueva generación de ajedrecistas se está consagrando en el Tata Steel. pic.twitter.com/IDvu1Y3K99

— Chess.com en Español (@chesscom_es) January 21, 2023

Yana bir xalqaro grossmeysterimiz Javohir Sindorov esa «Challengers» guruhida g‘oliblik uchun kurash olib boryapti. U bu safar niderlandiyalik Elin Royebersga qarshi uchrashuvni oq donalarda o‘tkazib, g‘alabaga erishdi. Shu tariqa, Javohirning ochkolari soni 5taga yetdi.

^{Javohir Sindorov}
Avvalroq, Abdusattorov vengriyalik Rixard Rapport, eronlik Parham Maqsudluni mag‘lub etib, amerikalik Fabiano Karuana va hindistonlik Dommarju Gukesh bilan durang o‘ynagan edi. Ikki kun avval esa Magnus Karlsen ustidan muhim g‘alabaga erishgan, kuni kecha hindistonlik Rameshbabu Pragnanandaa bilan durang qayd etgandi.

Ma’lumot uchun, «Masters» guruhida yana 6 ta tur o‘tkaziladi. Turnir 29 yanvargacha davom etadi. “Zamin” yangiliklarini “Twitter”da kuzatib boring