Eldor Shomurodov mavsumni “Spetsiya”da yakunlab qo‘yadigan bo‘ldi. Bu transferga uchala tomon – “Roma”, “Spetsiya” va futbolchining o‘zi rozilik bergan.
“Roma” o‘yin amaliyotiga ega bo‘lmayotgan hujumchidan qutildi. O‘tkir hujumchiga ehtiyoj sezayotgan “Spetsiya” jamoaga yordam berishi kutilayotgan o‘yinchiga ega bo‘ldi. Eldor Shomurodov esa, nihoyat imkon berilsa, A Seriyada o‘ynay olishini yana bir karra isbotlab qo‘yadigan bo‘lmoqda.
Endi ijara shartnomasi rasmiylashtirilishi qoldi xolos.
Taniqli insayder Janluiji di Marsio o‘zining gianlucadimarzio.com sayti orqali xabar berishicha, Eldor Shomurodov bugun La Spetsiyaga kelib, yangi jamoasi uchun tibbiy ko‘rikdan o‘tishi kutilmoqda.
Tibbiy ko‘rikdan keyin tomonlarning munosabatlari shartnoma orqali “mixlanadi”.
“Roma” va “Spetsiya” o‘rtasida o‘tkazilgan muzokara natijalariga ko‘ra, Eldor Shomurodov mavsumning qolgan qismini Liguriya klubida o‘tkazadi. “Spetsiya” ijara muddati uchun rimliklarga 1,5 million yevro to‘laydi. “Roma” da’vogar jamoaga futbolchini keyinchalik sotib olish huquqini bermadi. Balki bosh murabbiy Joze Mourino va sport direktori Tyagu Pinto Eldorning o‘yini ochilib ketishini kutayotgandir.
“Spetsiya” bosh murabbiyi Luka Gottining yordamichisi Fabritso Loreri bu transferga quyidagicha munosabat bildirdi.
- Transer bozori hamma qandaydir yangilik kutadigan palla hisoblanadi. Mutasaddilar ish olib bormoqda va transferlar haqida qayg‘uryapti.
Transferlar davri har doim o‘ziga xos xususiyatlarni qamrab oladi. Buni hammadan ko‘p o‘yinchilar his qilishini alohida ta’kidlash lozim. Biz amalga oshirilayotgan transfer jarayoni tezroq yakunlanishini istaymiz. Futbol atrofidagi vaziyatlar keyin hal qilinaveradi, - dedi Fabritsio Loreri.
Tomonlar kelishuviga ko‘ra, mavsum yakunlangach, Eldor Shomurodov Rimga qaytadi. Endi buyog‘i hujumchimizning o‘ziga bog‘liq bo‘ladi. “Spetsiya”da raqobatbardoshligini isbotlay olsa, Mourino uni kelasi mavsum o‘yin amaliyoti va’dasi bilan yana “Roma”da olib qolishi mumkin. Chunki yozda Rim klubini bir necha hujumchi – Nikolo Dzanolo, Andrea Belotti va Temmi Abraxam tark etishi mumkinligi haqida ma’lumotlar chiqmoqda.
Qolaversa, Joze Mourino faqat Paulo Dibaladan boshqa biror hujumchiga asosiy tarkibdan joy kafolatlagan emas va Tyagu Pinto barcha forvardlar bo‘yicha da’vogarlardan tushadigan takliflarni ko‘rib chiqishga tayyor.
Ta’kidlash lozimki, A Seriyadagi joyini saqlab qolish uchun kurashayotgan “Spetsiya”ga gol uradigan futbolchi suv-va havodek zarur. Hozirgacha o‘tkazilgan 20 ta uchrashuvda bu jamoa vakillaridan faqat olti kishi raqib darvozasini ishg‘ol qila olgan. Jami 17 ta goldan to‘qqiztasini o‘z hisobiga yozdirib qo‘ygan fransiyalik legioner Mbala Nzola jarohati tufayli jamoaga yordam bera olmayapti.
Yana bir ma’lumot – Shomurodov yangi jamoasida ham 14-raqamni tanlash imkoniyatiga ega. Bu raqam hozircha bo‘sh turibdi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shols va Putin o‘rtasidagi suhbat Kiyevga signal bo‘ldi
Eron AQSHdan 1 trln dollar kompensatsiya talab qildi
Shimoliy Koreya Rossiyaga uzoqqa zarba beruvchi qurollar yubordi
Turkiyaning Harper's Bazaar nashri yil ayolini aniqladi (foto)
20 yoshli o‘zbekistonlik qizni qarindoshi Turkiyaga sotib yubordi
Ayrim boshqaruv servis kompaniyalari shartnomalarida asossiz shartlar belgilangani aniqlandi
Rashida Tolib Kongress a’zolariga «achchiq haqiqat»ning suratini ko‘rsatdi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
