OCHLda o‘ynaydigan AGMK ispaniyalik to‘purar transferini e’lon qildi

AGMK seleksiya ishlaridagi navbatdagi transferini e’lon qildi. Unga ko‘ra, jamoa ispaniyalik futbolchi Ruben Sanchesni o‘z tarkibiga qo‘shib oldi.

Ortda qolgan mavsumning ikkinchi qismida Termizning "Surxon" jamoasida to‘p surgan iqtidor egasi 12 o‘yinda 8 ta golga mualliflik qilgan.

AGMK futbol klubi va Ruben Sanches o‘rtasida bir yarim yilga mo‘ljallangan shartnoma imzolandi. Avvalroq, saytimiz orqali ushbu transfer haqida xabar bergandik.