Qaysi mamlakatda futbol qanday rivojlanayotganini o‘sha yurt futbolchilarining transfer summasidan ham bilib olsa bo‘ladi. Sobiq ittifoq hududidagi mamlakatlar orasida ham Yevropa darajasida o‘ynay oladigan o‘yinchilar yetishib chiqmoqda.
Xususan, ushbu hududdagi ayrim mamlakatlarning eng qimmatbaho o‘yinchilari kuchli beshlik chempionatlari qatoriga kiruvchi ligalarda to‘p tepmoqda.
Bugungi kunda eng qimmat futbolchi maqomini gruziyalik Xvicha Kvaratsxeliya egallab turibdi. “Napoli” vakilining bugungi kundagi narxi 60 million yevroni tashkil qiladi.
Yaqinda “Chelsi”ga qabul qilingan ukrainalik Mixail Mudrikning transfer summasi 40 million yevroga tenglashtirildi. Kuchli uchlikni Fransiya chempionatida “Monako” sharafini himoya qilayotgan Rossiyalik Aleksandr Golovin yakunlab berdi. Iste’dodli futbolchi 22 million yevroga baholanmoqda.
Kuchli beshlik chempionatlarining yana bir vakili – Eldor Shomurodov “Roma”da yetarlicha o‘yin amaliyotiga ega bo‘lmagani bois, transfer narxi teng yarmiga pasaydi. Eng baland summasi 14 million yevro bo‘lgan legionerimizning bugungi transfer narxi 7 million yevroga teng.
Endi yarim mavsum “Spetsiya”da o‘ynaydigan hujumchimiz bu ko‘rsatkich bilan beshinchi o‘rinda qayd etilgan.
Transfermarkt portalida qayd etilgan transfer narxlari asosida quyida sobiq ittifoq mamlakatlarining eng qimmat futbolchilari bilan tanishib chiqishingiz mumkin. Ro‘yxatga har bir mamlakatning bir nafar eng qimmat futbolchisi kiritilgan.
1. Xvicha Kvaratsxeliya (Gruziya). "Napoli". Narxi - 60 mln yevro
2. Mixail Mudrik (Ukraina). "Chelsi". Narxi - 40 mln yevro
3. Aleksandr Golovin (Rossiya). "Monako". Narxi - 22 mln yevro
4. Eduard Spersyan (Armaniston). "Krasnodar". Narxi - 9 mln yevro
5. Eldor Shomurodov (O‘zbekiston). "Spetsiya". Narxi - 7 mln yevro
6. Baxtiyer Zaynutdinov (Qozog‘iston). SSKA. Narxi - 5 mln yevro
7. Oleg Ryabchuk (Moldova). "Olimpiakos". Narxi - 4 mln yevro
8. Raymonds Krollis (Latviya). "Spetsiya". Narxi - 2,5 mln yevro
9-10. Vitaliy Lisakovich (Belarus). "Rubin". Narxi - 1,5 mln yevro
9-10. Karl Xeyn (Estoniya). "Arsenal" U-21. Narxi - 1,5 mln yevro
11. Emin Mahmudov (Ozarbayjon). "Neftchi". Narxi - 1,4 mln yevro
12. Edgaras Utkus (Litva). "Serkl Bryugge". Narxi - 800 ming yevro
13-14. Valeriy Kichin (Qirg‘iziston). "Yenisey". Narxi - 750 ming yevro
13-14. Parvizjon Umarboyev (Tojikiston). “SSKA – 1948”. Narxi - 750 ming yevro
15. Raxat Japarov (Turkmaniston). Erkin agent. Narxi - 250 ming yevro
Ta’kidlash lozimki, Eldor Shomurodov mavsum oxirigacha "Spetsiya" vakili sifatida to‘p tepadi. Uning qayd etayotgan natijalariga qarab, transfer summasi ham o‘zgarib boradi.
"Roma" va "Spetsiya" o‘rtasidagi kelishuvga ko‘ra, legionerimiz mavsum yakunlanishi bilan Rimga qaytib keladi. Mavsumdagi ko‘rsatkichlari tahlili asosida uning kelajakdagi faoliyati bo‘yicha yangi qaror qabul qilinadi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Jo Bayden: “Ba’zan xotinim meni kosmosga jo‘natish bilan tahdid qiladi”
Xatolar va mag‘lubiyatlar... ular kechiriladimi?
Donald Tramp 27 yoshli Karolin Levittni Oq uy matbuot kotibi etib tayinlamoqchi
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Apple dongdor ikki ayfonini rasman eskirgan deb e’lon qildi
Endi operatsiyadan so‘ng kesmalar o‘rni ikki barobar tezroq bitishi mumkin
Omega-3 qanday qilib ozishga yordam beradi?
