Xokkey. "Humo" chorak finalning 4-o‘yinida ham g‘alaba qozondi va yarim finalga chiqdi!

Qozog‘iston Pro-ligasida chempionlik uchun kurashayotgan Toshkentning "Humo" xokkey klubi bugun pley-offning chorak finali doirasidagi "Gornyak"ga qarshi ikkinchi safar uchrashuvini o‘tkazdi.

Gollarga boy kechgan o‘yinda 2:4 hisobida "qanotlilar"ning qo‘li baland keldi. Shu tariqa "Humo" chorak finalning barcha to‘rttala o‘yinida g‘alaba qozonib, 100 foizlik natija bilan yarim finalga yo‘l oldi.