“Spetsiya”ning o‘tgan uchrashuvida “Salernitana” darvozasini ishg‘ol qilib, jamoasini mag‘lubiyatdan qutqarib qolgan Eldor Shomurodov navbatdagi bahsda qahramonga aylanishi mumkin edi.
Safarda “Fiorentina”ga qarshi bahsning so‘nggi daqiqalarida legionerimiz raqib darvozaboni bilan yakkama yakka vaziyatda gol ura olmadi. Agar Eldorning zarbasi darvoza to‘ridan joy olganida liguriyaliklar Florensiyadan sensatsion natija bilan ortga qaytgan bo‘lardi.
Italiya futbolini yoritib borayotgan calciomercato.com sayti ekspertlari uchrashuvdan keyin “Spetsiya” futbolchilarining harakatlari quyidagicha baholadi.
Bartlomey Dragovski 7:
Juda ishonchli o‘ynadi. O‘z himoyachisi Vishnevski gol urib qo‘ygan vaziyatda darvozabonning aybi yo‘q. Bir necha vaziyatlarda jamoasini qutqardi. Kristiano Biragining jarima zarbasini katta mahorat bilan qaytardi.
Kelvin Amyan 6:
Amyanning birinchi zarbasi xavfli bo‘ldi. Lekin u maqsadga erisha olmadi. O‘z darajasida o‘ynadi.
Itan Ampadu 6,5:
Raqib bilan raqobatda o‘z o‘yin sifatlarini namoyil qildi.
Pshemislav Vishnevski 6:
O‘z darvozasini ishg‘ol qilib qo‘yganiga qaramay, qolgan daqiqalarda juda foydali o‘ynadi.
Dimitrios Nikolau 6:
Raqib hujumchisi Jonatan Ikonega umuman o‘yin bermadi. Keyin Ikonening o‘rnini egallagan Nikolas Gonsalesni ham raqobatda mag‘lub etdi.
Mehdi Burabiya 5.5:
To‘pga odatdagidan juda kam tegindi. “Fiorentina” yarim himoyachilari bilan yetarli darajada kurasha olmadi.
Albin Ekdal 6:
Pleymeyker vazifasini bajardi. To‘plarni aniq oshirishga harakat qildi.
Shimon Jurkovski 6:
Jismoniy kuchiga tayanib o‘ynadi. Biroq uchrashuv davomida barqarorlik yetishmadi. Ayrim vaziyatlarda yaxshi o‘ynagan bo‘lsa, ba’zan sustkashlikka yo‘l qo‘ydi.
Daniel Maldini 5:
O‘zini ko‘rsata olmadi. Chap qanotdan hujum uyushtirishga urinib ko‘rdi. Kerakmas joyda sariq kartochka oldi.
Mbala Nzola 7,5:
Raqibning baquvvat himoyachisi Igorni raqobada yengdi. Hujumda yolg‘iz kurashdi. Raqib himoya chizig‘ini bosimda ushlab turdi. Hisobni tenglashtirgan gol muallifi bo‘ldi.
Emmanuel Gyasi 5,5:
Raqobatda raqib himoyachisi Biragiga yutqazib qo‘ydi va unga to‘p juda kam oshirildi. O‘rnini Eldor Shomurodovga bo‘shatib berdi.
Eldor Shomurodov 5:
Shomurodov o‘tgan bahsda jamoasini mag‘lubiyatdan qutqarib qolgandi. Bu gal kuchli raqibga qarshi o‘yinda g‘alaba to‘pini kiritishi mumkin edi. Maydon markazidan to‘pni olib katta tezlikda darvozagacha bo‘lgan masofani bosib o‘tgan hujumchi yakuniy zarbada xatoga yo‘l qo‘ydi. Eldor yana uchrashuv qahramoniga aylanishi mumkin edi.
Leonardo Semplichi 6.5:
“Spetsiya” uy uchrashuvlarini juda kuchli o‘tkazadigan “Fiorentina”ning imkoniyatlarini cheklab qo‘ydi. Ikkinchi bo‘limda jamoa ko‘proq himoyalandi. Lekin shunga qaramay, Semplichi Shomurodovni o‘yinga tashlash orqali, hujumkorlikni oshirdi. Eldor birgina aniq zarba bilan o‘yin hisobini o‘zgartirib yuborishi mumkin edi. Biroq, durang ham yomon natija emas.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Organizm o‘zini toksinlardan qanday tozalaydi?
Rashida Tolib Kongress a’zolariga «achchiq haqiqat»ning suratini ko‘rsatdi
Shimoliy Koreya Rossiyaga uzoqqa zarba beruvchi qurollar yubordi
Ijtimoiy tarmoqlar davrida ruhiy salomatlikni qanday saqlash mumkin?
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
KXDR Rossiyaga 100 minggacha harbiy yuborishi mumkin
Eron AQSHdan 1 trln dollar kompensatsiya talab qildi
Turkiya Isroil prezidenti samolyotini havo hududiga kiritmadi
