Eldor Shomurodov o‘ynayotgan “Spetsiya” jamoasining Italiya chempionatidagi vaziyati qaltis holatga kelib qoldi.
Jamoani qutqarish uchun kelgan Leonarda Semplichi hali o‘ziga yuklatilgan vazifani qanday uddalash yo‘lini topgani yo‘q. Uning qo‘l ostidagi futbolchilar sakkizta uchrashuvda faqat bir marta – “Inter”ni sensatsion tarzda mag‘lub etdi.
Qolgan o‘yinlarda jamoa ligada qolish uchun kurashayotgan to‘g‘ridan to‘g‘ri raqiblari bilan ham ochko ulashdi. Natijada 32-turdan keyin xavfli zonaning eng yuqori pog‘onasida turgan asosiy ta’qibchi “Verona” olti ochkolik farqni yo‘qqa chiqarib, “Spetsiya”ga yetib oldi.
Endi liguriyaliklar mavsum oxiriga qadar bosim ostida to‘p tepadi. 33-turda Semplichi shogirdlari jiddiy raqib – “Atalanta” mehmoni bo‘ladi. Bergamoliklar Yevropa Chempionlar ligasi yo‘llanmasi uchun kurashayotgan jamoa va “Spetsiya”dan har tomonlama kuchli.
Lekin Semplichi shogirdlari ana shunday qudratli raqib maydonida faqat g‘alaba uchun kurashishga majbur.
“Spetsiya” hujumdagi muammolardan qutilgani yo‘q. Mavsumda 13 ta gol urgan Mbala Nzola va asosiy tarkibga yorib kirgan Daniel Maldini bu gal ham jamoaga yordam bera olmaydi. Italiyaning deyarli barcha nashrlari hujum markazida Eldor Shomurodov o‘ynashini yozmoqda.
It aliya futbolini yoritib kelayotgan nufuzli manba – footballnews24.it jurnalisti Alessandro Di Lenarda bo‘lajak o‘yinda ikki hujumchi – Eldor Shomurodov va Rasmus Xyoylunn raqobatiga e’tibor qaratdi.
Daniyalik 20 yoshli hujumchi A Seriyadagi debyut mavsumida 28 ta o‘yinda o‘z hisobiga yettita gol yozdirib qo‘ydi. Yosh iqtidor egasi “Atalanta” tarkibidagi “bo‘rilar” – Luis Muriel va Duvan Sapata kabi mashhur to‘purarlarni raqobatda yengdi va jamoasining asosiy ikki hujumchisidan biriga aylandi.
Chempionatning oxirgi qismi Shomurodovning ishtahasi ochiladigan palla hisoblanadi. Hamyurtimiz “Jenoa”da o‘ynab yurgan paytda so‘nggi oltita uchrashuvda beshta gol urib, to‘purarlik mahoratini namoyish qilgan. O‘shanda legionerimiz “Atalanta” darvozasini ikki marta ishg‘ol qilgan edi. Bu Shomurodov uchun Italiyadagi faoliyatida qayd etilgan yagona dubl hisoblanadi.
“Atalanta” va “Spetsiya” turli turnirlarda jami 7 marotaba to‘qnash kelgan. A Seriyadagi beshta bahsda bergamoliklar uchta g‘alaba va ikki durang qayd etgan. Italiya kubogidagi yagona o‘yin ham “Atalanta” foydasiga hal bo‘lgan. Bir marta o‘tkazilgan o‘rtoqlik uchrashuvida “Spetsiya” yana mag‘lub bo‘lgan.
Taniqli jurnalist Alessandro Di Lenarda bo‘lajak bahsda jamoalar quyidagi tarkibdan foydalanishini taxmin qilmoqda.
“ATALANTA” (3-4-2-1): Sportiyello; Toloy, Jimshiti, Skalvini; Male, De Roon, Ederson, Zappakosta; Kupmeyners, Boga; Xoylund. Bosh murabbiy: Jan Pero Gasperini.
“SPЕTSIYA” (4-3-3): Dragovski; Amyan, Ampadu, Nikolau, Bastoni; Ekdal, Burabia, Espozito; Gyasi, Shomurodov, Verdi. Bosh murabbiy: Leonardo Semplichi.
Uchrashuv 3 may kuni kuni Toshkent vaqti bilan 21:00 da boshlanadi.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zelenskiy G‘arbga murojaat qildi
Prezident Mirziyoyev Moskva paradidagi ishtirokidan so‘ng Toshkentga qaytdi
Peter Siyarto: “Vengriya NATOning Ukrainaga yordam berish bo‘yicha 'ahmoqona missiyasi'da qatnashmaydi”
Shavkat Mirziyoyev Oliy Yevrosiyo iqtisodiy kengashi majlisida nutq so‘zladi
Erdo‘g‘on o‘qituvchilarga nisbatan zo‘ravonlik uchun jazo choralarini kuchaytirdi
Buxoroda bedarak yo‘qolgan erkak sinfdoshi tomonidan o‘ldirilgani aniqlandi
Belgorodda Ukraina o‘qqa tutishi oqibatida 8 kishi yaralandi
Rogov: Xorijiy yollanma askarlar Ukraina uchun jang qilishdan bosh tortmoqda