Yevropa ligasi. "Sevilya" kichik kambek amalga oshirib, ikkinchi finalchiga aylandi

Yevropa ligasining yarim final bosqichi o‘z nihoyasiga yetdi. Unda "Sevilya" o‘z maydonida "Yuventus"ni 2:1 hisobida taslim qilib, finalga yo‘l oldi.

Dastlab, 65-daqiqada Vlaxovich hisobni ochgan bo‘lsa, oradan ko‘p o‘tmay Suso imkoniyatlarni tenglashtirdi. Asosiy vaqtda boshqa gol urilmaganidan keyin qo‘shimcha taymlarga murojaat qilindi. 95-daqiqada Lamela boshi bilan gol urib, jamoasiga g‘alaba olib keldi.

Sevilya (Ispaniya) – Yuventus (Italiya) 2:1

Gollar: 0:1 – 65 Vlaxovich, 1:1 – 71 Suso, 2:1 – 95 Lamela.

Sevilya – Bunu, Navas (Gomes, 105), Bade, Gudel, Akunya, Rakitich, Fernando, Okampos (Lamela, 70), Oliver Torres (Suso, 62; Rekik, 118), Xil (Montel, 100), En-Nesiri.

Yuventus – Shchensni, Danilo, Bremer, Gatti, Kuadrado (Milik, 105), Di Mariya (Keza, 64), Rabo, Lokatelli (Miretti, 86), Fadjoli (Paredes, 41), Kin (Vlaxovich, 64), Ayling (Kostich, 86).

Ogohlantirish: Kin (11), Akunya (57), Danilo (105), Suso (117), Paredes (117), Montel (120).

Chetlatish: Akunya (115).

Dastlabki uchrashuv – 1:1

Shu tariqa, "Sevilya" turinliklarni umumiy 3:2 hisobida mag‘lub qildi. Endi ispanlar finalda "Roma" bilan o‘ynashi kerak. Ushbu bahs 1 iyun kuni bo‘lib o‘tadi.

O'zbekiston yangiliklari Yangiliklar