Foto: Getty Images
Saudiya Arabistonida futbol klublarini xususiylashtirish loyihasi amalga kiritildi. Bu haqda mamlakat axborot agentligi xabar berdi.
Saudiya Arabistonida sportni rivojlantirish uchun mo‘ljallangan Vision 2030 loyihasi doirasida mamlakat shahzodasi Muhammad ibn Salmon sport klublarini xususiylashtirish va sarmoya kiritish bo‘yicha loyihani ishga tushirdi.
Qayd etilishicha, loyiha hozirgi bosqichda ikki yo‘nalishdan iborat hisoblanadi. Birinchi yo‘nalish sport klublarining egalik huquqini davlatdan yirik kompaniyalarga o‘tkazish evaziga sarmoya kiritish imkonini beradi. Ikkinchi yo‘nalishga ko‘ra, 2023 yilning oxiridan boshlab bir qator sport klublarini xususiylashtirish ko‘zda tutilgan.
Ma’lumotlarga ko‘ra, sport sohasiga sarmoya kiritish imkoniyatlarini oshirish, shuningdek, klublarning raqobatbardoshligi va infratuzilmasi sifatini oshirish loyihaning asosiy maqsadi hisoblanadi.
Bundan tashqari loyiha sababli mamlakatda futbolni rivojlantirish va uning raqobatbardoshligini oshirish kutilmoqda. Ta’kidlanishicha, bu Saudiya Arabistoni chempionatini dunyoning top-10 ligalari qatoriga kiritish imkonini beradi.
Saudiya Arabistoni chempionatining daromadi yiliga 450 million riyoldan (112 million yevro) 1,8 milliarddan ko‘proq riyolga (450 million yevro) oshishi, shuningdek, liga qiymati uch milliard riyoldan sakkiz milliard riyoldan ko‘prog‘ga ko‘tarilishi kutilmoqda.
Angliyaning “Nyukasl” klubiga egalik qiluvchi Public Investment Fund fondi o‘zining rasmiy Twitter sahifasida Saudiya Arabistonining to‘rt yetakchi klubini sotib olganini e’lon qildi. “Al-Ittihod”, “Al-Ahli”, “An-Nassr” va “Al-Hilol” klublari fond tasarrufiga o‘tdi. Ularning har birida PIF’ning ulushi 75% ni tashkil etadi.
Foto: Twitter/@PIF_en
Avvalroq “Real Madrid”ni tark etgan fransiyalik futbolchi Karim Benzema Saudiya Arabistonining “Al-Ittihod” jamoasi safiga o‘tgani haqida xabar berilgandi. Shuningdek, Luka Modrich va Lionel Messi Saudiya jamoalaridan takliflar bo‘lgandi. Krishtianu Ronaldu harakat qiladigan “Al-Nassr” jamoasi murabbiy Zinedin Zidanga 150 million yevrolik taklif bilan chiqqandi, biroq fransiyalik mutaxassis buni rad etgandi.
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shvetsiya Eronni Qur’on yoqib yuborilgani uchun qasos olganlikda ayblamoqda
Hindiston BMTni isloh qilishga chaqirdi
Tramp Eron tomonidan o‘lim tahdidi haqida ogohlantirildi
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Kuniga nechta olma yeyish mumkin? Ommabop mevaning zararli xususiyatlari
Lionel Messi o‘z prodyuserlik kompaniyasiga asos soldi
Xitoy qit’alararo ballistik raketani ilk bor ommaviy sinovdan o‘tkazdi
O‘zbekiston Turkmaniston va Turkiya bilan mudofaa sohasida hamkorlik qiladi
