Angliya Premer-ligasining 27-turidan o‘rin olgan "Liverpul" va "Manchester Siti" jamoalari o‘rtasidagi to‘qnashuv "markaziy o‘yin" nomiga to‘la mos bo‘ldi. "Enfild"ga yig‘ilgan muxlislar ajoyib futbol guvohiga aylanishdi.
Chempionlik unvonini saqlab qolish uchun kurash olib borayotgan "shaharliklar" birinchi raqam ostida o‘ynashgan bo‘lsa, liverpulliklar birinchi bo‘limda himoyaviy o‘yin uslubini tanlashdi. Shu bois, o‘yinning dastlabki daqiqalarida Pellegrini shogirdlarining to‘pni ko‘proq nazorat qilishi hali hech narsani anglatmasdi. O‘yinning 11-daqiqasida "Liverpul" yarim himoyachisi Jordan Xenderson tomonidan 18 metrlardan yo‘llangan zarba darvoza to‘siniga tegib, darvozaga kirib ketdi!
Oradan 2 daqiqa o‘tib, markazdan uzatilgan to‘pni Aguero jarima maydonchasi ichida qabul qildi va deyarli birga bir vaziyatda zarba yo‘lladi. To‘p olis ustunga tegib qaytdi! Umuman olganda, "qizillar" o‘yin davomida yaxshi himoyalanishdi, ammo 25-daqiqada ular birozgina e’tiborni yo‘qotishdi. Aguero 3 himoyachi orasidan ampluadoshiga uzatma berdi va Jeko birga bir vaziyatda darvozani ishg‘ol qildi.
Ikkinchi bo‘limda "Liverpul" faollashdi va "Siti"ni himoyada o‘ynashga majbur qilishdi. Amalga oshirilayotgan bosim o‘yin tugashiga 15 daqiqa qolganida o‘z mevasini berdi. Filippe Koutino jarima maydonchasi burchagidan kuchli zarba yo‘llab, olis burchakni aniq nishonga oldi. 2:1. Bu gol Xendersonning goliga judayam o‘xshab ketdi.
Ushbu g‘alabadan keyin "Liverpul" o‘z ochkolarini 48taga etkazdi va 4-o‘ringa ko‘tarilib oldi. "Siti" esa mag‘lubiyat tufayli chempionlik uchun kurashda o‘z imkoniyatlarini qiyinlashtirib yubordi.
APL, 27-tur
Liverpul – Manchester Siti 2:1 (1:1)
Gollar: 1:0 – 11 Xenderson, 1:1 – 25 Djeko, 2:1 – 75 Koutino.
Liverpul – Minole, Shkrtel, Lovren, Moreno (Ture, 83), Koutino, Allen, Lallana, Sterling, Markovich (Starrij, 76), Xenderson, Djan.
Manchester Siti – Xart, Sabaleta, Mangalya, Kompani, Kolarov, Fernandino (Boni, 78), Ture, Silva, Nasri (Lempard, 83), Aguero, Jeko (Milner, 58).
Ogohlantirishlar: Nasri (57), Milner (82), Lallana (84), Boni (86).
Manba: www.stadion.uz. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Putin Ukrainadagi obyektga ballistik raketa zarbasi berilganini e’lon qildi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Shavkat Mirziyoyev Rossiya bosh prokurori bilan uchrashuv o‘tkazdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
