Bugungi kunda Rossiya Premer-ligasining aksariyat muxlisu mutaxassislari, murabbiylari TsSKAdagi o‘zbek legioneri Abbosbek Fayzullaevning faoliyatini katta qiziqish bilan kuzatib boryapti.
Rossiya futbolini yoritib kelayotganfootball24.ru sayti hujumkor futbolchimizning faoliyatiga nazar tashlab, Fayzullaevning bir o‘zi salohiyat bobida “Spartak”ning yulduz hujumchilaridan kuchliroq ekanini sharhlab berdi.
Sports.uz portali o‘zbekistonlik futbol ishqibozlari e’tiboriga ushbu tahliliy maqolani havola etadi.
Uchinchi qism:
Fayzullaev hali Evropaga ketadi
TsSKA kelajakda Fayzullaevning transferidan hali dahshatli summa ishlab oladi. Abbosbek “armiyachilar” safida futbolchi sifatida biroz chiniqib olishi va keyinroq kuchli ligalarga yo‘l olishi kerak.
Bir necha mavsumdan keyin Italiya chempionatida osonlikcha o‘ynab keta oladi. O‘sha “Napoli” faoliyatini davom ettirishi uchun juda mos tushadi. Ha, hozir ularda chap qanotda Xvicha Kvaratsxeliya porlayapti, lekin Abbosning ustunligi chap qanotdan tashqari o‘ng tarafda ham samarali o‘ynay olishida.
Abbosbekka ko‘z tegmasligi uchun Evropaning boshqa ligalaridan top-klublarni tanlamaymiz. Lekin o‘zbek futbolchisining bu borada salohiyati juda yuqori, ekanini yana bir qayta takrorlaymiz.
Futbol o‘ynashni Abbosdan o‘rganing
Fayzullaev hozirning o‘zida Rossiyaning yosh futbolchilariga oldingi chiziqda dadil, engil va tavakkal qilib, qo‘rqmay o‘ynash kerakligini ko‘rsatyapti.
Abbos fintlarni yuzida tabassum bilan amalga oshirishiga hech e’tibor berganmisiz?! Uning yuz-ko‘zidan bu aldamchi harakatlari uning uchun juda osonligi ko‘rinib turibdi. Bizning ko‘p futbolchilarimiz maydonga tizzasi qaltirab, xato qilishdan qo‘rqib tushadi. Bunday qilib, hech narsaga erishib bo‘lmaydi. Futbol shuning uchun ham o‘yin hisoblanadi, mashaqqat emas.
Fayzullaev o‘yindan rohat oladi va buni chiroyli uddalaydi. TsSKA bosh murabbiyi ladimir Fedotov buni tasdiqlab, shunday deydi:
“Abbosbekning funktsional va texnik imkoniyatlari yuqori. Eng muhim xislatlaridan biri – futbolni yaxshi tushunishi, uni yaxshi ko‘rishi va o‘yinga borini bag‘ishlashidir”.
Abbosbek Fayzullaev erishgan darajasida qotib qolmasligi va mana shu tezlikda o‘sishishiga umid qilib qolamiz.
Birinchi qism:
Fayzullaev kelajakni kutishni istamadi!
Ikkinchi qism:
Fayzullaev qimmat yulduzlarni so‘ndirib qo‘ydi!
“Zamin” yangiliklarini “Odnoklassniki”da kuzatib boring
