131
Eronlik mutaxassis O‘zbekiston og‘ir atletika terma jamoasidagi so‘nggi mashg‘ulotini o‘tkazdi
Yakunlanib borayotgan 2023-yil davomida O‘zbekiston og‘ir atletika federatsiyasida murabbiy maslahatchisi lavozimida faoliyat yuritgan Said Aziz Alihusayni kecha terma jamoadagi so‘nggi mashg‘ulotini o‘tkazdi.
Mashg‘ulotga tashrif buyurgan Yoshlar siyosati va sport vaziri o‘rinbosari, O‘zbekiston og‘ir atletika federatsiyasi raisi Shaxrillo Mahmudov eronlik mutaxassisning murabbiylik mahorati, bilimi va sportdagi tajribasini yana bir bor e’tirof etgan holda o‘zaro samarali faoliyat va hamkorlik uchun minnatdorlik bildirdi hamda uning kelgusi ishlariga muvaffaqiyat tiladi.
Ta’kidlash kerakki, Said Aziz Alihusayni ushbu qisqa muddatli mehnat faoliyati davomida o‘z tajribalarini ishga solgan holda turli xalqaro musobaqalarda faol ishtirok etgan O‘zbekiston og‘ir atletikachilarini tayyorlash va nazorat qilishda salmoqli yutuqlarga erishib, Parij-2024 Olimpiya o‘yinlariga litsenziyasi uchun muhim reyting ochkolari qo‘lga kiritilishiga hissa qo‘shdi.
"Afsuski, O‘zbekiston Og‘ir atletika federatsiyasining shartnomani uzaytirish taklifiga qaramay, Said Aziz Alihusayni shaxsiy sabablarga ko‘ra o‘z faoliyatini davom ettirmaslikka qaror qildi. Shunday bo‘lsada federatsiya uning sportchilarga bergan beqiyos xizmati, ajoyib maslahatlari, fikr-mulohazalari va qo‘llab-quvvatlashini qadrlaydi.
O‘zbekiston Og‘ir atletika federatsiyasi Said Aziz Alihusayni murabbiylik faoliyatini davom ettirishga qaror qilganda, uning uchun federatsiya eshiklari har doim ochiqligini bildiradi", - deyiladi federatsiya rasmiy saytidagi xabarda.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
Gretsiyada minglab odamlar NATOga qarshi namoyish o‘tkazdi
Germaniya razvedkasi rahbari: “Rossiya yaqin yillarda NATOga hujum qilishi mumkin”
Medvedev Rossiya NATO harbiy bazalariga zarba yo‘llashi mumkinligini istisno qilmadi
Eron Isroil bilan keng ko‘lamli urushga tayyorligini ma’lum qildi
100 mln so‘mgacha bo‘lgan kreditlar soddalashtirilgan tartibda ajratiladi
Bosh kiyimsiz yurishning organizmga qanday ta’siri bor?
Organizmda qaysi turdagi vitamin yetishmayotganini qanday aniqlash mumkin?
