Avstraliya bosh murabbiyi: "Agar O‘zbekiston ishonchli harakat qilmaganda, biz bunday statistika qayd etmagan bo‘lardik"
Avstraliya - O‘zbekiston terma jamoalari to‘qnashuvidan so‘ng tomonlarning bosh murabbiylari o‘rtasida matbuot anjumani tashkil etildi. Unda Avstraliya terma jamoasi ustozi Grem Arnold ishtirok etdi.
"Xayrli kech, hammaga. Bilasiz, guruhdagi raqiblarimiz oson emas edi. Ular bizga yaxshigina qarshilik ko‘rsatdi. Ayniqsa, O‘zbekiston bilan bahs juda og‘ir o‘tdi. Shunga qaramay, biz o‘yindan o‘yinga o‘sish bo‘layotganini ko‘rib turibmiz va pley-offda yanada ishonchli harakat qilishimiz lozimligini ham bilamiz.
Keyingi bosqichda kim raqib bo‘lishi haqida bosh qotirayotganimiz yo‘q. Agar biz o‘z o‘yinimizni namoyish eta olsak, har qanday jamoani yengishimiz mumkin.
Bugungi bahsda atigi bitta aniq zarba berdik. Hujumda ancha qiynaldik, zarbalarni yakunlashda muammolar yuzaga keldi. Ammo raqib ham munosib o‘ynaganini e’tirof etishimiz kerak. Agar ular ishonchli harakat qilmaganda, biz bunday statistika qayd etmagan bo‘lardik.
O‘zbekistonning ko‘plab futbolchilari o‘z chempionatida to‘p tepadi. Bizda esa bunday futbolchilar atigi 4 tani tashkil etadi. Shu tomondan ham bizda ozgina muammolar kuzatildi", - dedi mutaxassis.
“Zamin” yangiliklarini “Vkontakti”da kuzatib boring
