"Stranja": Chorak finalni o‘zbekistonlik bokschilar "yondirdi" yoxud 10 ta jang va 10 ta g‘alaba!

Bugun Bolgariyada bo‘lib o‘tayotgan xalqaro "Stranja" turniri doirasida 10 nafar bokschilarimiz yarim final yo‘llanmasi uchun bahslarga kirishishdi. Kechagi janglardan so‘ng hozircha 4 nafar bokschimiz yarim final bosqichiga chiqib ulgurishgandi.

Quvonarlisi, bugun ringga ko‘tarilgan barcha vakillarimiz g‘alaba qozonib, yarim finalga yo‘l oldi. Birgina Hasanboy Do‘smatovning raqibi chiqmaganligi sababli keyingi bosqichga o‘tgan bo‘lsa, qolgan 9 bokschimiz chiroyli janglari bilan barchani xursand qildi va g‘alabali odimlarini davom ettirdi.

Demak, bokschilarimiz ushbu raqiblarini chorak finalda mag‘lub etdi.

-51 kg Asilbek Jalilov - Rigi Mostafa (Eron) 5:0

-54 kg Hasanboy Do‘stmatov - Davit Yegoryan (Armaniston) – raqib chiqmadi.

-54 kg Hujanazar Nortojiyev - Lalit (Hindiston) 5:0

-57 kg Shahzod Muzafarov - Daniyal Shahbahsh (Eron) 5:0

-60 kg Dilshod Abdumurodov - Maksim Vlasiuk (Ukraina) 4:0

-60 kg Abdumalik Halokov - Ruslan Kuzeubayev (Qozog‘iston) 5:0

-63,5 kg Adhamjon Muhiddinov - Yerassil Tankay (Qozog‘iston) 5:0

-71 kg Iqboljon Holdorov - Eskerhan Madiyev (Gruziya) 5:0

-75 kg Fazliddin Erkinboyev - Nurkanat Rayis (Qozog‘iston) 4:1

-75 kg Javohir Ummataliyev - Deyepak (Hindiston) 5:0