“Formula-1” poygachisi O‘zbekistonga tashrif buyurdi

“Ferrari” jamoasi a’zosi Charlz Lekler O‘zbekiston avtosport va karting federatsiyasi (NAFKU) taklifiga binoan bugun Toshkentga keldi.

^{Foto: “NAFKU”}
Mamlakatimizda FIA Bosh assambleyasining yozgi yig‘ilishiga tayyorgarlik ko‘rilmoqda, tadbir Samarqandda bo‘lib o‘tadi va tadbir doirasida FIA o‘zining 120 yilligini nishonlaydi. Sportchi O‘zbekiston avtosport va karting federatsiyasi (NAFKU)ning faxriy mehmoni bo‘lib, u dastxat berish marosimida ishtirok etdi va muxlislar bilan suhbatlashdi.

Eslatib o‘tamiz, “Formula-1” jamoalarining mavsumoldi sinovlari 21 fevral kuni Bahrayndagi Saxir trassasida boshlanadi va uch kun davom etadi. Ushbu sinovlarda poygachilar yangi avtomobillarni to‘liq sinovdan o‘tkazish imkoniyatiga ega bo‘ladilar.

Aynan shu yerda 29 fevraldan 2 martgacha mavsumning birinchi bosqichi – Bahrayn Gran-prisi bo‘lib o‘tadi. “Zamin”ni Telegramʻda oʻqing!