Qatarda o‘tkazilgan Osiyo kubogida yuqori saviyada o‘ynagan Abbosbek Fayzullayevning Yevropa ligalariga o‘tishi mumkinligi ko‘p muhokama qilinmoqda. Ayniqsa, Rossiya futbol jamoatchiligi vakillari o‘zbek legionerining imkoniyatlariga baho berishni yaxshi ko‘radi. Rossiyalik jurnalistlar ham mutaxassislarning Abbosbek Fayzullayev haqidagi fikrlarini tez-tez so‘rab turadi.
Dmitriy Xamuxa, SSKA sobiq futbolchisi:
- Fayzullayev uchun mavsumning ikkinchi qismi dastlabkisiga nisbatan qiyinroq bo‘ladi. Hozircha, voqealarda oldinlab ketmoqchi emasman. Agar Abbos chempionatning qolgan qismini birinchisi singari yorqin darajada o‘tkaza olsa, unda buni haqiqatan zo‘r transfer sifatida e’tirof etsak bo‘ladi.
Agar SSKAni Abbosbek Fayzullayevni o‘z safida ko‘rmoqchi bo‘layotgan xorij klublarining takliflari qoniqtirsa, jamoada hech kim bu o‘yinchini ushlab qolmaydi, yo‘lini to‘smaydi. Bunda futbolchining manfaatlari ham ko‘zlanadi.
Bundan tashqari, Fayzullayev misolida boshqa yosh o‘yinchilar agar o‘zini yaxshi tomondan ko‘rsata olsa, xorij klublari e’tiboriga tushishini va ularga ham moliyaviy jihatdan yaxshi takliflar tushishini bilib oladi.
Aleksandr Tarxanov, taniqli murabbiy, SSKA klubi sobiq prezidenti:
- Abbosbek Fayzullayev bundan keyin qanday o‘yin ko‘rsata olishini ko‘rish kerak. Afsuski, ayni paytda Yevrokuboklarda qatnasha olmayapmiz. Agar Yevropa maydonlarida o‘ynaganida Fayzullayev o‘zini yanada yorqinroq ko‘rsatgan bo‘lardi.
Biroq shunga qaramay, baribir uni kuzatishadi. Chunki Abbos Osiyo kubogida ham mahoratini namoyish eta oldi. O‘zbekiston milliy terma jamoasi finalga chiqa olmaganiga qaramay, Fayzullayev o‘z o‘yini bilan ajralib turdi va gollar urishga erishdi.
Men Abbosbek Fayzullayev yana biroz SSKAda to‘p tepib, tajribasini oshirishi kerak, yana bir mavsum shu jamoada o‘ynashi kerak, deb o‘ylayman.
Abbosbek Fayzullayev aslida “Paxtakor” tarbiyalanuvchisi hisoblanadi. 20 yoshli futbolchi o‘tgan yilning avgustida SSKA jamoasiga ko‘chib o‘tdi. Rossiya futbolida jami 18 ta o‘yinda qatnashib, ikkita gol va to‘qqizta assist qayd etgan legionerimiz mavsumning birinchi qismida eng asosiy kashfiyot sifatida e’tirof etildi.
Hujumkor futbolchimiz 2023 yilning iyun oyidan beri O‘zbekiston milliy terma jamoasi a’zosi hisoblanadi. Abbos halqaro miqyosda 14 ta uchrashuv o‘tkazib, Tojikiston, Qirg‘iziston, Hindiston va Tailand darvozalariga jami to‘rtta to‘p kiritgan.
Transferlarga ixtisoslashgan transfermarkt.world portali Abbosbek Fayzullayevning transfer summasini 4 million yevroga baholamoqda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
Slovakiya bosh vaziri Putinning taklifini qabul qildi
Organizmda qaysi turdagi vitamin yetishmayotganini qanday aniqlash mumkin?
Medvedev Rossiya NATO harbiy bazalariga zarba yo‘llashi mumkinligini istisno qilmadi
Gretsiyada minglab odamlar NATOga qarshi namoyish o‘tkazdi
Endi «Doimiy yashash joyiga ro‘yxatga qo‘yish» qulaylashdi (video)
O‘zbekistonda onkologik kasallikka chalingan ayollar bepul davolanadi
Bosh kiyimsiz yurishning organizmga qanday ta’siri bor?
