A Seriyaning 28-turi “Kalyari” uchun omadli kelib, sardiniyaliklar chempionat autsayderi “Salernitana”ni 4:2 hisobida mag‘lubiyatga uchratdi.
Klaudio Raneri jamoasining g‘alabasini o‘yinda ikki marta gol urgan Eldor Shomurodov ta’minladi.
Italiya futbolini yoritayotgan manbalar va o‘yinlarni tahlil qilib borayotgan taniqli ekspertlari Eldor Shomurodov harakatlariga baho berishda davom etmoqda.
Vittorio Sanna, futbol eksperti:
“Kalyari” golga muhtoj paytda to‘p kirita oladigan hujumchilar paydo bo‘ldi. “Salernitana” bilan bo‘lgan bahsning 12-daqiqasida Lapadula gol urishni uddaladi. “Salernitana” futbolchilari o‘yinni tiklab, endi oyoqqa tura boshlaganida Eldor Shomurodov ikkinchi to‘pini kiritdi. Eldorning o‘yini haqida gapirsak, dastlab ikkinchi bo‘lim boshida hisobni 3:0 ga yetkazdi. Biroq “Kalyari” ketma-ket ikkita gol o‘tkazib yubordi. Eldor urgan to‘rtinchi gol “Kalyari”ni ochko yo‘qotish xavfidan qutqarib qoldi.
Vinchenso Di Monte, futbol eksperti:
“Kalyari” va “Salernitana” bahsining ikkinchi bo‘limida maydonga tushgan Eldor Shomurodov, nihoyat, o‘z joyini topa oldi. O‘zbek maydonga qadam bosganidan keyin olti daqiqadayoq ishonchni oqladi.
Klaudio Raneri shogirdlari ikki daqiqada bir juft gol o‘tkazib yubordi. Bu ularga qimmatga tushishi mumkin edi. Lekin futbolchilar Eldor Shomurodovning tezkorligi tufayli bunga javob qaytara oldi. Mina uzatgan to‘pga yetib kelgan Shomurodov yana Gilermo Ochoani ojiz qoldirib, o‘yindagi yakuniy hisobni ta’minladi – 4:2.
Seriya A:
Eldor Shomurodov “Kalyari” tarkibidagi ilk gollarini kiritib, olqishlarni qabul qilishda davom etmoqda. A Seriya tashkilotchilari o‘z ijtimoiy sahifalarida o‘zbek legionerining surati ostiga “Eldor SHOUmurodov”, degan post qoldirdi.
Eurosport:
Shomurodov ikkinchi bo‘limda Gaetanoning o‘rniga maydonga tushdi. O‘zbek futbolchisi ayni paytda ajoyib sport formasida ekanini namoyish qilib, dubl qayd etdi va o‘z o‘yini bilan “Salernitina” himoyachilarini tentiratib qo‘ydi. Ular Shomurodovni faqat follar yordamida to‘xtata oldi, xolos.
Alberto Dossena, “Kalyari” futbolchisi:
Shomurodovning o‘yini va gol urgani meni hayron qoldirgani yo‘q. Chunki Eldor juda mehnatkash yigit va muvaffaqiyatga erishishga loyiq futbolchi.
Enriko Piliya, futbol eksperti:
Shomurodov – kuch, sifat va katta ishtiyoq sohibi. Mavsumning eng sirli futbolchisi. Juda murakkab o‘yinga tushib, ikkita gol bilan masalaga nuqta qo‘ydi. Ayniqsa, ikkinchi golini haqiqiy sensatsiya bo‘ldi, deyish mumkin.
Serjio Demuru, futbol eksperti:
Shomurodov – kun qahramoni. U o‘zining dubli bilan “Kalyari” futbolchilarini g‘alabaga yetakladi. Bu Klaudio Raneri jamoasiga musobaqa jadvalida birinchi marotaba xavfli hududdan uzoqlashish imkonini berdi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Slovakiya bosh vaziri Putinning taklifini qabul qildi
O‘zbekistonda onkologik kasallikka chalingan ayollar bepul davolanadi
Endi «Doimiy yashash joyiga ro‘yxatga qo‘yish» qulaylashdi (video)
Medvedev Rossiya NATO harbiy bazalariga zarba yo‘llashi mumkinligini istisno qilmadi
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
Organizmda qaysi turdagi vitamin yetishmayotganini qanday aniqlash mumkin?
Gretsiyada minglab odamlar NATOga qarshi namoyish o‘tkazdi
Bosh kiyimsiz yurishning organizmga qanday ta’siri bor?
