A Seriya. Dastlab ikkita gol urgan "Kalyari" yakunda "Yuventus" bilan durang qayd etdi

A Seriya doirasida bo‘lib o‘tgan "Kalyari" - "Yuventus" bahsida durang qayd etildi.

Uchrashuvda Eldor Shomurodov asosiy tarkibda maydonga tushdi. “Kalyari” o‘yinni faol boshladi va 30-daqiqaga kelib, hisobni ochdi. Gaetano penaltini aniq amalga oshirdi. 36-daqiqada Mina ham penaltidan unumli foydalandi. Birinchi bo‘lim “Kalyari”ning ustunli bilan yakun topdi.

Ikkinchi bo‘lim boshida esa “Yuventus” o‘ziga kelib oldi. 61-daqiqada Dushan Vlahovich hisobni qisqartirishga muvaffaq bo‘ldi. 87-daqiqada esa Dossena avtogol muallifiga aylanib, uchrashuv durang bilan yakunlanishiga sababchi bo‘ldi.

Qayd etib o‘tish joiz, Shomudorov 79-daqiqada o‘z o‘rnini Violaga bo‘shatib berdi.

Ushbu o‘yindan keyin "Kalyari" turnir jadvalida 13-o‘ringa chiqib olgan bo‘lsa, "Yuventus" 3-pog‘onada qoldi.

"Kalyari" – "Yuventus" 2:2
19 aprel, 23.45, «Sardenya»
Gollar: 1:0 – 30, penalti Gaetano, 2:0 – 36, penalti Mina, 2:1 – 61 Vlaxovich, 2:2 – 87, avtogol Dossena.

"Kalyari" – Skuffet, Mina, Xatsidyakos (Veteska, 87), Dossena, Audjello, Nandes (Dzappa, 79), Makumbu, Sulemana (Prati, 46), Gaetano (Deyola, 69), Luvumbu, Shomurodov (Viola, 79).
"Yuventus" – Shchensni, Danilo, Bremer, Gatti, Kambyazo (Ayling, 86), Vea (Makkenni, 68), Rabo, Lokatelli (Milik, 74), Alkaras (Yildiz, 46), Keza, Vlaxovich.
Ogohlantirishlar: Shchensni (35), Luvumbu (45+2), Vea (45+2), Bremer (48), Nandes (60). “Zamin” yangiliklarini “Vkontakti”da kuzatib boring