Xokkey bo‘yicha O‘zbekiston terma jamoasi "U-18 Osiyo-Okeaniya chempionati" g‘olibi bo‘ldi

Mamlakatimizning Toshkent va Samarqand shaharlarida o‘tkazilgan xokkey bo‘yicha "U-18 Osiyo-Okeaniya chempionati" doirasida final uchrashuvi bo‘lib o‘tdi. Unda O‘zbekiston U-18 terma jamoamiz Tailandga qarshi saf tortdi va 2:1 hisobida zafar quchdi.

Vakillarimiz safida Timur Habibov va Abduqayum Abduvosiqov shaybalarga mualliflik qildi. Shu tariqa, hamyurtlarimiz mazkur turnirda chempionlikni qo‘lga kiritdi.

3-o‘rin uchun kechgan bahsda esa Mo‘g‘uliston xokkeychilari BAA termasini 4:2 hisobida mag‘lub etdi va bronza medallarga ega chiqdi.