Usik va Fyuri mutlaq jahon chempionligi uchun jangdan qancha gonorar oladi?

Oleksandr Usik va Tayson Fyuri Ar-Riyoddagi jangidan o‘zlari uchun rekord bo‘lgan daromad ko‘radi.

“Chempion” nashri xabariga ko‘ra, Fyuri jang uchun 69 million dollar gononar oladi. Usik esa 34 million oladi.

Bu kafolatlangan gonorar bo‘lib, ikkala bokschi natijadan va translyatsiyalar sotuvidan qat’i nazar umumiy 103 million dollar oladi.

Eslatib o‘tamiz, WBA Super, IBF, WBO va IBO kamarlari sohibi bo‘lgan Usik va WBC chempioni Fyuri mutlaq jahon chempionligi uchun ringga ko‘tariladi.

Turnir doirasida yana quyidagi janglar o‘tkaziladi:

- Mairis Briedis (28-2) – Jay Opetaya (24-0);
- Jo Kordina (17-0) – Entoni Kakache (21-1);
- Sergey Kovalev (35-4-1) – Robin Safar (16-0);
- Mark Chemberlen (15-0) – Joshua Oluvaseun Vahab (23-1);
- Frenk Sanches (24-0) – Agit Kabayel (24-0);
- Daniel Lapin (9-0) – Oktavio Pudivitr (9-1).

Joy — Saudiya Arabistonining Kingdom Arena stadioni. Aynan shu stadionda Fyuri Ngannuga qarshi ringga ko‘tarilgandi va g‘alaba qozongan edi. Shuningdek, Dmitriy Bivol, Entoni Joshua va Deontey Uaylder ishtirokidagi turnir bo‘lib o‘tgan.

Jangni O‘zbekistonning hech bir kanali translyatsiya qilmaydi. ESPN+ da jonli tomosha qilish mumkin bo‘ladi. “Zamin” yangiliklarini “Odnoklassniki”da kuzatib boring