O‘zbekiston safarda Qatarni 1-0 hisobida engdi. Barchasi uchun rahmat, yigitlar!

Doha shahridagi "Jassim Bin Hamad" stadionida Qatar hamda O‘zbekiston milliy terma jamoalari o‘rtasidagi JCh-2018 saralash uchrashuvi nihoyasiga etdi.

Unda 0:1 hisobi qayd etilib, O‘zbekiston termasining g‘alabasi bilan yakunlandi.

O‘yinda yagona gol 86-daqiqada Egor Krimes tomonidan kiritildi.

Mazkur gol amalda bizga uch ochkoni taqdim etdi va termamizni 1-o‘ringa olib chiqdi.