Abbosbek Fayzullayev Rossiya Premer-ligasining eng zo‘r futbolchilari qatoriga kiradi. Legioner sifatida debyut mavsumini yuqori darajada o‘tkazayotgan hamyurtimizning iqtidorini futbolchilarning o‘zi ham e’tirof etmoqda.
Quyida Premer-liga ishtirokchilarining Abbosbek Fayzullayev haqidagi fikrlarini o‘zbekistonlik muxlislar e’tiboriga havola etamiz.
Kirill Glebov, SSKA yarim himoyachisi:
- Men uchun Abbosbek Fayzullayev mavsumning haqiqiy kashfiyoti. U ajoyib futbolchi. O‘zining kamtargina jismoniy ko‘rsatkichlariga qaramay, maydonda qilayotgan ishlari shunchaki “dahshat”!
Fayzullayevning to‘p uzatish mahorati juda yuqori darajada.
Uning asosiy yutug‘i kuchli texnikasi va maydonni yaxshi ko‘ra olish qobiliyatidir. Ya’ni, u to‘p bilan zo‘r ishlaydi, yaxshi qabul qiladi, aniq pas beradi, raqibni aldab o‘tadi va o‘zi ham gol ura oladi. Bugungi kunda unga qarshi o‘ynash jamoalar uchun juda og‘ir. Jussasi kichkina bo‘lganiga qaramay, tezkor, hamma jihatlarni o‘zida mujassam etgan.
Viktor Davila, SSKA legioneri:
- Abbosbek Fayzullayev mavsum kashfiyoti, degan fikrlarga to‘liq qo‘shilaman. Hammamiz uning zo‘r o‘yinchi ekanini bilamiz. Abbos buni o‘yindan o‘yinga ko‘rsatib kelyapti. Uning maydonda amalga oshirayotgan ishlaridan barchamiz bahramand bo‘lyapmiz.
O‘zbek futbolchisining kuchli tomoni to‘p bilan zo‘r ishlashi va serharakat ekanida. Uning jamoa hujumlarida muhim o‘yinchi ekanini alohida e’tirof etmaslikning iloji yo‘q.
Bundan tashqari, Fayzullayev jamoamizdagilarni ajoyib golli paslar bilan ta’minlab kelyapti.
U hozir 20 yoshda va butun faoliyati hali oldinda. Abbos hali yanada kuchayadi. Qadam-baqadam o‘syapti, tajriba to‘playapti. Yaqin yillarda har qanday jamoaning eng muhim o‘yinchisiga aylana oladi.
Fayzullayev joriy mavsumda Rossiya Premer-ligasida 21 ta uchrashuvda to‘rtta gol va yettita assist muallifi bo‘ldi. Rossiya kubogida o‘n marotaba maydonga tushib, o‘z hisobiga bitta gol va uchta assist yozdirib qo‘ydi.
O‘tgan yili avgust oyida "Paxtakor"dan transfer qilingan futbolchimizning narxi bir necha baravar ko‘tarilib, bugungi kunda 5 million yevroni tashkil qilmoqda. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
BAAda isroillik ravvin o‘ldirib ketildi
Ukraina Kursk oblastida egallab olgan hududlarining 40 foizdan ortig‘ini yo‘qotdi
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
Olimlar psixoz tashxisini qo‘yishga yordam beradigan yangi biomarkerni aniqladi
Gretsiyada minglab odamlar NATOga qarshi namoyish o‘tkazdi
Germaniya yil oxirigacha Ukrainaga yana ikkita IRIS-T havo mudofaa tizimini yetkazib beradi
O‘zbekistonda kelasi hafta boshida qanday ob-havo bo‘lishi ma’lum qilindi
Prezident kubogi. Abdusattorov - Sindarov bahsi yakunlandi
