Angliya kubogi. "Manchester Yunayted" "Manchester Siti"ni mag‘lub etib, kubokni qo‘lga kiritdi

Futbol bo‘yicha Angliya kubogi final bahsi 25 may, shanba kuni bo‘lib o‘tdi. Unda Manchester shahrining ikki jamoasi ishtirok etdi.

Uchrashuvning 30-daqiqasida “shaharliklar” darvozaboni hamda himoyachisi o‘rtasida tushunmovchilik yuz berdi va to‘p Garnachoga yetib keldi. Qulay vaziyatdan yosh futbolchi foydalanib jamoasini oldinga olib chiqdi. Uchrashuvning 39-daqiqasida ajoyib hujum uyushtirgan “qizil iblislar” chiroyli tarzda gol urib hisobni 0:2 ko‘rinishiga olib keldi.

Ikkinchi bo‘limda “shaharliklar” hisobni qisqartirishga harakat qildi, ammo “Manchester Yunayted” himoyada ishonchli harakat qildi. Uchrashuvning 87-daqiqasida Jeremi Doku hisobni qisqartirishga erishdi. Shundan so‘ng Gvardiola shogirdlari bor kuchi bilan hujumga o‘tdi.

“Shaharliklar” raqiblar darvozasiga boshqa yo‘l topa olmadi. Shu tariqa chempionatni 8-o‘rinda yakunlagan ten Hag shogirdlari Angliya kubogini qo‘lga kiritdi.

"Manchester Siti" – "Manchester Yunayted" 1:2
Gollar: 0:1 – 30 Garnacho, 0:2 – 39 Maynu, 1:2 – 87 Doku.

"Manchester Siti": Ortega, Uoker, Stounz, Ake (Akandji, 46), Gvardiol, Kovachich (Doku, 46), de Bryuyne (Alvares, 56), Bernardu Silva, Rodri, Foden, Xoland.

"Manchester Yunayted": Onana, Uan-Bissaka, Varan, Martines (Evans, 73), Diogu Dalot, Amrabat, Maynu, Brunu Fernandesh, Maktominey (Maunt, 90), Garnacho (Lindelyof, 90), Reshford (Xoylund, 74).

Ogohlantirish: Maynu (45), Maktominey (90+5). “Zamin” yangiliklarini “Odnoklassniki”da kuzatib boring