Sensatsiya! Jalolovning asosiy raqobatchisi turnirni tark etdi

Og‘ir vazn toifasida qozog‘istonlik bokschi Kamshibek Konkabayev Parij Olimpiadasi doirasida nimchorak final jangini o‘tkazdi.

Unga 25 yoshli ispaniyalik Ayyub Gadfa raqiblik qildi. Jang Gadfaning 3:2 hisobidagi g‘alabasi bilan yakunlandi.

Shu tariqa, Qozog‘iston boksi Parij Olimpiadasida ikkinchi yo‘qotishiga uchradi. Avvalroq, bayroqdor Aslanbek Shimbergenov ham musobaqadagi ilk jangida imkoniyatni boy bergan edi.