Filippinlik Olimpiada chempioni qanday mukofotlarga ega bo‘ldi?

^{Foto: Reuters}
Filippinlik gimnastikachi Karlos Yulo 2024 yilgi Parij Olimpiadasida sport gimnastikasi bo‘yicha o‘z mamlakatining birinchi medalini qo‘lga kiritdi.

Ikkinchi o‘rinni isroillik sportchi Artem Dolgopyat (14,966) egallagan bo‘lsa, kuchli uchlikni Buyuk Britaniya vakili Jeyk Jarman (14,933) yakunladi.

Ertasi kuni Yulo o‘zining ikkinchi oltin medalini tayanib sakrashda qo‘lga kiritdi va Filippinning birinchi bor ikki karra Olimpiada chempioniga aylandi. Karlos Yulo mamlakatining ikkinchi va uchinchi oltin medaliga mualliflik qildi.

Filippinga birinchi oltin medalni Tokio Olimpiadasida og‘ir atletikachi Hidilin Diaz olib kelgan edi.

Filippinlik gimnastikachi Karlos Yulo 2024 yilgi Olimpiadada ikkita oltin medalni qo‘lga kiritganidan so‘ng g‘ayrioddiy sovrin va sovg‘alar to‘plamiga ega bo‘ldi.

^{Foto: Getty Images}
NBC ma’lumotiga ko‘ra chempion sportchi quyidagi mukofotlarga ega bo‘lgan:
- 10 million Filippin pesosi (taxminan 170 ming dollar);
- 3 xonali uy (taxminiy narxi 415 ming dollar);
- Bir nechta restoranlar tarmog‘ida umr bo‘yi oziq-ovqat va ichimliklar bilan ta’minlash;
- 45 yoshdan boshlab kolonoskopiya va gastroenterologiyadan umrbod bepul foydalanish;
- Filippin restoranlaridan umrbod bepul lag‘mon va qovurilgan tovuq yetkazib berish;
- Uy mebellari;
- Yangi 16-rusumdagi “ayfon”.

Karlos Yulo 2000 yil 16 fevralda tug‘ilgan. Bir necha bor Osiyo va jahon chempionligini qo‘lga kiritgan. Mashg‘ulotlarining asosiy qismini Yaponiyada o‘tkazadi. “Zamin” yangiliklarini “Telegram”da kuzatib boring