Superliganing 16-turidan o‘rin olgan "Dinamo" - OKMK (3:2) uchrashuvidan so‘ng mezbonlar bosh murabbiyi Vadim Abramov matbuot anjumanida ishtirok etdi.
- Og‘ir o‘yin o‘tkazdik. Dastlabki daqiqalardanoq to‘p nazoratiga urg‘u qaratdik, chunki raqib juda kuchli va ularga bo‘sh xududlar qoldirmaslik kerak edi. Muxlislarbop o‘yin bo‘ldi. Bunday o‘yinlarda oxirida bitta gol urgan jamoa shubhasiz g‘alabaga erishadi. O‘sha golni biz urdik va g‘alabaga erishdik.
Penalti nega bekor qilinganini tushuna olmadim. Bugun oxirigacha kurashib, jamoamizga g‘alaba keltirgan futbolchilarga minnatdorchilik bildiraman. Shuningdek, bizni faol qo‘llab-quvvatlab kelayotgan muxlislarimizga jamoamiz nomidan rahmat aytaman.
- Bugun jamoangiz mavsumdagi eng zo‘r o‘yinlaridan birini o‘tkazdi. Hozir hamma shu haqida gapirayapti.
- Bu tushunarli, lekin savolingiz qanday?
- Savolim shunaqa, nega shunaqa o‘yin ko‘rsata oladigan "Dinamo" o‘tgan turda bir kishi kam bo‘lib o‘ynagan "Neftchi"ga mag‘lub bo‘ldi?
- Bu haqida o‘tgan o‘yindan keyin ham aytdim, shu kuni bizda o‘xshamagan jihatlar ko‘p bo‘ldi. Mezbonlar 10 kishi edi, lekin 10 kishi himoyada turdi. Hujumdagi faollik evaziga yorib o‘tishga urindik, imkon bo‘lmadi. Biz o‘sha o‘yinda ham, bugun ham ochiq futbol o‘ynadik.
- Demak, ochiq futbol "Dinamo"ning uslubimi?
- Faqat bizning emas, qolgan jamoalarda ham bor bu jihat. Ochiq futbol muxlislarga yoqadi, gollar ko‘p bo‘ladi. Biz hujumkor o‘yin tarafdorimiz.
- Braziliyalik legionerlar haqida fikringiz qanday?
- Fikrim yomonmas. Debyut o‘yinidayoq o‘zlarini yomon tutishmadi. Sekin-sekin moslashib borishadi. Biz ularni jamoani kuchaytirish uchun taklif qilganmiz.
- Jahongir O‘rozov nega zaxiradan qo‘shildi?
- O‘rozovning to‘yi bo‘lgani sabab biz bilan mashg‘ulotlarda ko‘p qatnasha olmadi. O‘yinga tayyorlanish uchun bir kun vaqti bo‘ldi. Shu bois uni asosiy tarkibda tushirib, tavakkal qilmadik. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonliklar Latviyaga ishga taklif qilinmoqda
Eron prezidenti mamlakat og‘ir iqtisodiy ahvolda ekanini ma’lum qildi
Alaudinov: Ukraina QK Kursk viloyatida faol taslim bo‘la boshladi
O‘zbekistonda 20 avgust kuni qanday ob-havo bo‘lishi ma’lum qilindi
Saudiya Superkubogi. "Al-Hilol" finalda "An-Nassr"ni tor-mor etdi
Zelenskiy: Kurskdagi operatsiya rejalashtirilganidek davom etmoqda
Superliga. "Nasaf"ning g‘alabasi va OKMKning mag‘lubiyatidan keyingi turnir jadvali
Olimpiadadagi har bir medal O‘zbekiston budjetiga qanchaga tushgani ma’lum bo‘ldi