135
Ro‘ziqul Berdiyev: "Hujumda agressiya yetishmadi. Chempionat hali-beri tugamaydi, chempionlik haqida gapirishga erta"
![Ro‘ziqul Berdiyev: "Hujumda agressiya yetishmadi. Chempionat hali-beri tugamaydi, chempionlik haqida gapirishga erta"](/uploads/posts/2024-08/x30c35f186c_berdiyev052024.webp.pagespeed.ic.d6bBGLH3X2.webp)
Superliga 14-turidan o‘rin olgan "Olimpik" - "Nasaf" (0:2) uchrashuvidan so‘ng "ajdarlar" bosh murabbiyi Ro‘ziqul Berdiyev matbuot anjumanida ishtirok etdi.
O‘yin haqida.
- Birinchi bo‘limda juda ham qiynaldik. Raqib yaxshi himoyalandi. Tezroq gol urganimizda, vazifamiz ancha osonlashgan bo‘lar edi. Gol urib olganimizdan so‘ng esa, raqib hujumga o‘tishga majbur edi. Biz esa qarshi hujumda ko‘proq ochiq zonalarga va vaziyatlarga ega bo‘ldik. "Olimpik" jamoasi yosh bo‘lishiga qaramay, katta ishtiyoq bilan o‘ynamoqda. Ikkinchi bo‘limda o‘yinimiz yaxshilandi va gollar urdik. Qoldirilgan uchrashuvdagi g‘alaba juda muhim edi.
- "Nasaf" bugungi uchrashuvni ikki nafar markaziy hujumchi Bobir Abdiholiqov va Zoran Marushichlar bilan boshladi, ammo jamoangiz birinchi bo‘limda raqib darvozasiga aniq zarba bera olgani yo‘q. Bunga sabab jamoangiz vaziyat yarata olmaganimi yoki raqib yuqori pressing qo‘llanganimi?
- Hujumchilar o‘z vazifasini yaxshi bajara olmadi deb bemalol ayta olaman. Biz ko‘proq hujum qilishni reja qilib, ikkita hujumchi bilan o‘yinni boshlagandik, ammo vaziyatlar yaratilmadi. Maydonga yana bir yarim himoyachini tushirganimizdan so‘ng esa vaziyatlarimiz soni ko‘paydi. Ikki hujumchiga ham tanaffusda e’tiroz bildirdim. Hujumchilar bugun men kutgandek o‘yin namoyish eta olishmadi.
- Bugun ko‘pchilik "Nasaf" osonlikcha g‘alaba qozonadi deb o‘ylashgan edi, biroq bugungi o‘yin kurashlarga boy kechdi. Uchrashuvdan oldin bildirilgan fikrlarga munosabatingiz.
- Men bunday o‘ylamagandim. "Olimpik" jamoasining o‘yinlarini tahlil qilganimizda, jamoada kuchli ishtiyoq borligini sezdim. "Olimpik" futbolchilarida katta motivatsiya bor, ular o‘z faoliyati uchun qo‘shimcha ishtiyoq bilan o‘ynashmoqda. "Olimpik"ning o‘ta tartibli himoyalangani sababli bugungi uchrashuvda ko‘pgina muammolarga duch keldik.
- "Nasaf" jamoasi musobaqa jadvalida yaqqol peshqadam bo‘lib oldi. Jamoangiz yaqindagina asosiy raqobatchilardan biri "Paxtakor"ni mag‘lub etdi. Chempionlik "poygasi" haqida fikr bildirsangiz?
- Maqsadimiz sari oxirigacha kurashishimiz kerak. Mavsum hali-beri yakunlanmaydi. Hozir bizda yaxshi imkoniyat yuzaga keldi. Futbolchilarga har bir bahsga finaldek yondashish kerakligini ko‘p marotaba takrorlayapman. E’tiborni yo‘qotishga haqqimiz yo‘q. Har bir uchrashuvda maksimal tarzda ochkolar to‘plashimiz kerak. Maqsadimizga yanada yaqinlashishni istasak, imkon qadar yaxshiroq natija qayd etishimiz kerak.
- Bugun hujumchilardan ko‘nglim to‘lmadi deya aytib o‘tdingiz. Jamoangiz namoyish etgan o‘yinning yana qaysi jabhalaridan ko‘nglingiz to‘lmadi?
- Hujumda agressiya yetishmaganini aytib o‘tdim. Maydon holati ham yaxshi emas edi. Shu tufayli to‘pga egalik qilishda biroz muammolarga duch keldik. Texnikasi eng yuqori futbolchimiz Oybek Bozorov ham to‘pni qabul qilishga qiynaldi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Superliga. "So‘g‘diyona" safarda "Neftchi"ni yirik hisobda mag‘lub etdi расм](/uploads/posts/2024-08/x6899465e69_b60b37e68ad842ec8895b7b5f86bd0e3.webp.pagespeed.ic.y33Q0QpZLj.webp)
Superliga. "So‘g‘diyona" safarda "Neftchi"ni yirik hisobda mag‘lub etdi
![Frontdagi vaziyat: Ukraina qurolli kuchlari katta tavakkalchilik qilmoqda расм](/uploads/posts/2024-08/x09ac8d2164_yzym813estj8ja_irnrxm2lpip-dwuqo.webp.pagespeed.ic.JfmyxPg2kY.webp)
Frontdagi vaziyat: Ukraina qurolli kuchlari katta tavakkalchilik qilmoqda
![Britaniya diplomati hukumat Isroilga qurol sotgani uchun iste’foga chiqdi расм](/uploads/posts/2024-08/x5d25e95ce9_photo_2024-08-19_20-47-44-jwnxfuwx.webp.pagespeed.ic.BlHY_w1em8.webp)
Britaniya diplomati hukumat Isroilga qurol sotgani uchun iste’foga chiqdi
![O‘zbekistonda 20 avgust kuni qanday ob-havo bo‘lishi ma’lum qilindi расм](/uploads/posts/2024-08/xbecdfc9c7f_920__95_4194481678.webp.pagespeed.ic.uCTN4WdrO3.webp)
O‘zbekistonda 20 avgust kuni qanday ob-havo bo‘lishi ma’lum qilindi
![Rossiya Ukrainadagi urush bo‘yicha muzokaralar olib borilayotganini rad etdi расм](/uploads/posts/2024-08/x59d2e0fccb_2pzkbwu7lvonxs6rpjnqwjgs_v-kcuhp.webp.pagespeed.ic.rdl2H5-xMS.webp)
Rossiya Ukrainadagi urush bo‘yicha muzokaralar olib borilayotganini rad etdi
![Abbosbek Fayzullayev Moskvada yashash xarajatlari qimmatligini aytdi расм](/uploads/posts/2024-08/xddf59dbde0_3312-_jrda7jv.webp.pagespeed.ic.-YTiJ-021c.webp)
Abbosbek Fayzullayev Moskvada yashash xarajatlari qimmatligini aytdi
![Isroil va Hamas muzokaralari: AQSH va vositachilar optimistik kayfiyatda расм](/uploads/posts/2024-08/x56a4364e02_ow6wj7v7wzplra7f51kfhruljvrtrog9.webp.pagespeed.ic.aYcHN52qRC.webp)
Isroil va Hamas muzokaralari: AQSH va vositachilar optimistik kayfiyatda
![Isroil 450 ming falastinlikni «xavfsiz zona»dan ko‘chib ketishga majbur qilmoqda расм](/uploads/posts/2024-08/x2f79929226_fue1zkj3efkm3wg6nmqn5gb-b6p24z9t.webp.pagespeed.ic.a90P_z4F3d.webp)
Isroil 450 ming falastinlikni «xavfsiz zona»dan ko‘chib ketishga majbur qilmoqda