Shaxmat Olimpiadasi. Shaxmatchilarimiz musobaqani g‘alaba bilan boshladi

Vengriya poytaxti Budapesht shahrida 45-Butunjahon shaxmat Olimpiadasi start oldi.

Ushbu musobaqada amaldagi chempion sifatida qatnashayotgan O‘zbekiston jamoasi o‘z yurishini boshladi.

^{Foto: Uzchess}
Musobaqaning 1-turida erkaklar O‘zbekiston erkaklar jamoasi Trinidad va Tobago bilan, ayollar terma jamoasi esa Gaiti bilan bahs olib bordi.

Ilk raundda musobaqaning 4-raqamida saralangan erkaklar jamoasi raqibiga hech qanday imkoniyat qoldirmadi — 3,5:0,5.

O‘zbekiston — Trinidad va Tobago 3,5 : 0,5

• Nodirbek Abdusattorov - Joshua Jonson 1:0;
  
• Nodirbek Yakubboev - Kuinn Kabralis 0,5:0,5;
  
• Shamsiddin Vohidov - Kevin Kupid 1:0;
  
• Jahongir Vahidov - Xarper Ryan 1:0.
  

^{Foto: Uzchess}
Qizlar jamoasining barcha a’zosi g‘alaba qozonishni uddaladi.

O‘zbekiston — Gaiti 4:0

• Afruza Hamdamova - Rouz Sein 1:0;
  
• Nilufar Yakubboeva - Merisena Kadeau 1:0;
  
• Umida Omonova - Jonet Davena 1:0;
  
• Nodira Nodirjonova - Kineberli Dunat 1:0.
  

Ushbu raundda yigitlar jamoasdan Javohir Sindorov, qizlar jamoasidan Marjona Malikova zahirada qoldi.

Olimpiadaning 2-tur uchrashuvlari bugun bo‘lib o‘tadi. Unda erkaklar jamoasi Misrga qarshi dona suradi. Qizlar jamoasi esa Angola bilan bellashadi. “Zamin” yangiliklarini “Odnoklassniki”da kuzatib boring