Shaxmat Olimpiadasi. O‘zbekiston erkaklar jamoasi 11-turda g‘alaba qozondi va bronza medalini qo‘lga kiritdi

Vengriya poytaxti Budapesht shahrida bo‘lib o‘tayotgan butunjahon shaxmat Olimpiadasida 11-tur bellashuvlari bugun, 22 sentyabr kuni yakunlandi.

O‘zbekiston erkaklar jamoasi Fransiya bilan bahs olib bordi. Nodirbek Abdusattorov, Nodirbek Yakubboyev va Javohir Sindorov durang qayd etgan bo‘lsa, Shamsiddin Vohidov g‘alaba qozondi.

Erkaklar:

O‘zbekiston - Fransiya 2,5:1,5
- Nodirbek Abdusattorov - Maksim Vashe-Lagrav 0,5:0,5
- Nodirbek Yakubboyev - Eten Bakrot 0,5:0,5
- Javohir Sindarov - Loren Fressinet 0,5:0,5
- Shamsiddin Vohidov - Maksim Lagarde 1:0.

O‘zbekistonlik qizlar jamoasi Turkiya ustidan g‘alaba qozondi. Nodira Nodirjonova hamda Nilufar Yakubboyeva g‘alaba qozongan bo‘lsa, Umida Omonova durang qayd etdi. Afro‘za Hamdamova esa raqibiga imkoniyatni boy berdi.

Qizlar:

O‘zbekiston - Turkiya 2,5:1,5
- Afro‘za Hamdamova - Ekaterina Atalik 0:1
- Nilufar Yakubboyeva - Betul Kemre 1:0
- Umida Omonova - Gulenay Aydin 0,5:0,5
- Nodira Nodirjonova - Xayale Isgenderova 1:0.

Musobaqa yakuniga ko‘ra O‘zbekiston erkaklar terma jamoasi yakuniy jadvalda 3-o‘rinni egalladi. 2-o‘rindagi AQSH bilan ochkolar bir xil, biroq qo‘shimcha ko‘rsatkichlar bo‘yicha amerikaliklar oldinda bo‘ldi.

Qizlar terma jamoasi esa yakuniy jadvalda 12-pog‘onani band etdi. O‘zbekiston terma jamoasi qo‘shimcha ko‘rsatkichlar evaziga Xitoy, Ukraina, Polsha, Bolgariya, Argentinadan ortda qoldi.

Shuningdek, taxtalar kesimida: 1-taxtada Nodirbek Abdusattorov 2-o‘rin va kumush medalni, 4-taxtada Shamsiddin Vohidov 1-o‘rin va oltin medalni qo‘lga kiritdi.

Taxtalar kesimida: 4-taxtada Nodira Nodirjonova 3-o‘rin va bronza medalni qo‘lga kiritdi. “Zamin” yangiliklarini “Youtube”da kuzatib boring