Elit Chempionlar Ligasi. “Paxtakor” safarda “Persepolis” bilan durang o‘ynadi

Futbol bo‘yicha Elit Chempionlar Ligasining 2-tur o‘yinlari 30 sentyabr, dushanba kuni bo‘lib o‘tdi.

“Paxtakor” safarda “Persepolis” mehmoni bo‘ldi. Uchrashuvning ilk daqiqasidayoq Ali Alipur burchak zarbasidan uzatilgan to‘pni darvozaga joylab qo‘ydi. Birinchi bo‘limda Eron klubi ustunlik qildi.

Ikkinchi bo‘limda esa “sherlar” faolroq harakat qilib, 59-daqiqaga hisobni tenglashtirishga muvaffaq bo‘ldi. Dragan Cheran gol muallifiga aylandi.

Qolgan daqiqalarda darvozalar ishg‘ol etilmadi va uchrashuv 1:1 hisobidagi durang bilan yakunlandi.

Eslatib o‘tamiz, “Persepolis” tarkibida o‘zbekistonlik futbolchi Oston O‘runov to‘p suradi. Oston o‘yinning 70-daqiqasida maydonga tushirildi.

1-turda “Paxtakor” “Al-Vasl”ga 0:1 hisobida mag‘lubiyatga uchragan edi.

Elit Chempionlar Ligasi
2-tur bahsi
30 sentyabr, dushanba

“Persepolis” – “Paxtakor” 1:1
Gollar: 1:0 — 1 Alipur, 1:1 — 59 Cheran.

“Persepolis”: 1.Gendus, 11.Ahmadzoda (27.Mehri, 58), 9.Alipur (31.Joao, 58), 19.Amiri (10.Alkasir, 69), 20.El Amlud, 30.Gvelesiani, 6.Kanaani, 77.Xodabandelu (21.Sadegi, 46), 4.Muhammadi, 7.Rafei (70.Oston O‘runov, 69), 5.Rigi.

“Paxtakor”: 12.Vladimir Nazarov, 7.Hojiakbar Alijonov, 3.Shahzod Azmiddinov, 4.Abdulla Abdullayev, 5.Muhammadqodir Hamraliyev, 22.Umar Adhamzoda, 23.Abdurauf Bo‘riyev, 27.Sardor Sobirxo‘jayev, 17.Doston Hamdamov (11.Po‘latxo‘ja Xoldorxonov, 73), 30.Otabek Jo‘raqo‘ziyev (99.Ulug‘bek Hoshimov, 73), 10.Dragan Cheran (40.Kimi Merk, 84).

Ogohlantirishlar: Otabek Jo‘raqo‘ziyev (3), Xodabandelu (23), Doston Hamdamov (45+1). “Zamin” yangiliklarini “Facebook”da kuzatib boring