AQSh ning Las-Vegas shahrida "UFC Fight Night 244" turniri oʻtkazildi. Musobaqadan soʻng UFC matbuot xizmati 4 nafar bonus egalarini ma'lum qildi.
Etiborlisi, mazkur roʻyxatdan Kleyton Karpenter, Brendon Royval, Tatsuro Taira qatori hamyurtimiz Ramazon Temirov ham oʻrin oldi.
Musobaqaning prelim kardida oʻzbekistonlik aralash yakka kurash ustasi Ramazon Temirov oktagonga koʻtarilib, oʻzining debyut jangida amerikalik Si Jey Vergarani 1-raunddayoq nokaut evaziga magʻlub etgan edi.
Ramazon ushbu gʻalabasidan soʻng gonoraridan tashqari 50 ming dollar miqdoridagi bonusga ham ega boʻldi. Uning jangi kechaning yorqin jangi deb topildi.
Eslatib oʻtamiz, turnirning asosiy jangi Brendon Royval hamda Tatsuro Taira oʻrtasida kechdi va unda Royval hakamlar qaroriga koʻra gʻalaba qozondi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
